K’o jun nim ropanb’al ri puqchajinem tzukunik tajin kub’an ri’ ruk’ ri ujachik ri 252 chi k’ak’ kejach’ich’ chi kech ri Wokajil Ajchajin Tinamit (PNC). Eri wokaj uwach kejach’ich’ ri’, are rech kakojik pa aninaqil wexa’ k’o jun nim rajawaxik kachomaxik, are ri’ kajachik pa taq ri rachoch k’olib’al chajinem winaqil, chi la’ k’ut che ri qas rajawaxik utz kechajix wi ri winaqil pa tinamit.

Eri K’amal B’e Amaq’ Bernardo Arévalo, ri are xub’ij, che ri jupuq sipanem ri’ are la’ uwach ri chomanem x’antaj ri’ are rech kajipixik uwach kiwach ri e’ajchajin tinamit pa katinamit ri winaqilal xuquje’ rech utzilaj kachajixik ri winaqil kakib’ano, rech utz ri chajinem kakib’an ri’. “Kinya’o ronojel nutob’anem chi ke ri PNC, jeri’ le nim nutob’anik che ri Ministro Jiménez ri’ xuquje’ chi ke konojel ri Wokom K’amal B’e Amaq’ rech pa unimaxik ri eqale’nchak ri’”, xcha’.

Eri Nim K’amal B’e Amaq’ xuquje’ xumaltyoxij chech ri Taqawokaj Amaq’ rech China (Taiwán) rumal ri sipanem jastaq chakub’al loq xuquje’ xuya uq’ij ronojel uwach kichak kakib’an ri wokajil e’ajchajinel pa tinamit. “Rajawaxik b’a’ kaqaterne’j ub’anik ri chajinem winaqilal pa le Nimatinamit Iximulew ri’ jacha ri tajin ri kuta’o ri tz’aqat chi re. Man kojuxlan taj, sib’alaj tijowchuq’ab’ ri chak ri’, emu wa’ are ri qachak uj rech keqanimaj ri winaqil ri man katanab’ ta ub’anik”, xcha’.

Eri Ministro rech Gobernación, Francisco Jiménez, sib’alaj xub’ij k’o jun nimalaj upatnaib’al uya’ik ri utzilaj kichakub’alil ri wokajil ajchajin tinamit rech kanimax upatanexik ri’ xuquje’ rech ri chajinem ri winaqilal. “Eri wokaj e’ajchajinel ri’ are rech kub’an utz chi ke ri’ rech kakikojo pa aninaqil, rech unimarsaxik ri b’anoj chajinem, xuquje’ rech pa aninaqil ke’opan pa taq kesik’ix wiri’”, xcha’.

“Maltyox b’a’ che ri jun nim tob’anem ri’ chech ri xya’taj ri nim tob’anem pa uq’ab’ ri Wokom K’amal B’e Amaq’ ri’ man toq’atal chi rij rumal le Nimatinamit rech China (Taiwán), are jun nimatinamit rachi’l qatinamit ri k’o kakitzijoj chi kuwach man xaq ta rech tzijob’el ri’, xane’ are rech pa jikomal k’o ri kakichomaj chi kuwach, ri tob’anik kakib’ano xuquje’ ri nimanem, ri tob’anem xuquje’ ri b’anoj komonchak, pa le ub’anikilem ri taqanik q’atatal uwach pa tinamit”, xcha’ ri Taqawokajnel rech ri Ya’olchajinem Amaq’ ri.

Eri Embajadora rech ri Nimatinamit rech China (Taiwán), Vivia Chang, ri are xub’ij che ri sipan jastaq chakub’al ri’ man are taj rumal jun nim achb’ilanem chomanik chi kuwach ri Iximulew xuquje’ ri Nimatinamit rech China (Taiwán) ri’, xane’ are rumal ri eqa’lenem ub’anik ri chak rech ub’anik ri chakunem winaqilal xuquje’ rech k’o jun nim utzilal chi kuwach ri keb’ taq nimatinamit ri’. “Eri b’anon cholchak rumal ri’ Wokom K’amal B’e Amaq’ are kuq’alajisaj che qastzij b’a’ k’o ukub’alil ub’anik ri’, rech pa joremal, pa saqilal xuquje’ rech k’o ri chajinem tob’anik chi ke ri winaq e’achalalil e’aj iximulew ri’”, xcha’.

Rumal ri’, eri k’amal b’e rech ri PNC, Helver Beltetón, xub’ij che ri kiwokajil ri kejach’ich’ ri’ che ri kekoj pa le kitak’alib’al ri ch’ich’ ri’, are jun nimalaj rutzilal upatanib’al ub’anik ri’ pa le ucholalejil ri b’anoj puqchajinem tzukunik kumal ri wokajil ajchajin tinamit pa ronojel uwach rulewal ri tinamit ri’. “Eri ukojik ri’ are kub’an ri’ jun nimalaj upatan chi ke ri e’ajchajin tinamit ri’ rech pa jun nimalaj utzilem kechajin pa aninaqil rech  ri uq’atexik kichuq’ab’ ri e’ajb’anol k’ax ri’ pa rulewal ri qatinamit”, xcha’.

Ruk’ ukojik taq ri jumulaj kejach’ich’ ri’ rech sib’alaj kab’an ri puqchajinem tzukunik ri’ rech uq’atexik taq ri b’anoj k’ax pa taq le juyub’ e jaqal wi ri winaqilal ri’ xuquje’ pa taq ri k’olib’alil winaqil che ri sib’alaj naj keriqitaj wiri’. Xuquje’, kaya uchuq’ab’ ri’ ri kichakub’alil, kikowonib’al rech kakib’an ri utaqib’al ri b’anoj chajinem tzukunik ri’ rech kakikub’isaj ub’anik ri chajinem winaqilal ri’, rech uq’atexik ri b’anoj k’ax xuquje’ rech uq’atexik taqri e’ajb’anol k’ax pa rulewal ri nimatinamit.