Ri q’atb’al tzij rech k’amal b’e Amaq’ xujach jun taqanik rech  korlim chajinem rech kakoj uchuq’ab’ ri chajinem pa Zacapa xuquje’ Izabal

Eri Q’atb’al Tzij K’amal B’e rech Taqon Chajinem pa Amaq’, ruk’ ri utib’anik ri K’amal B’e rech Chajinem Rulewal Amaq’ Tinamit, tajin kub’an kachajixik ri winaqil, rech kuya pa ucholajil utzilaj jikomal chi kixo’l ri winaq xuquje’ rech kuq’atej uwach ri k’ax kakib’an ri molaj b’anol k’ax, jacha kub’ij ri Taqanik rech Q’atb’al Tzij K’amal b’e Amaq’ 8-2026.

Eri Q’atb’al Tzij K’amal b’e Ub ‘e Amaq’ Iximulew xuya’ ub’ixik che xutaq ub’anik ri nim korlim chajinem pa juk’al lajuj (30) q’ij par i tinamit rech Zacapa xuquje’ ruk’ Izabal ri’, rech b’a’ kaq’atexik ri b’anow k’ax ruk’ taq ri k’ayin kunb’al xuquje’ rech kaq’atexik nik’aj molaj b’anol k’ax pa taq nimatinamit, ri kakiya’o jun nimak’ax chi ke ri tinamit xuquje’ ri chi ke ri q’atb’al tzij.

Eri taqanik ri’ are xkoj rumla ri K’amal B’e Amaq’ pa le Moloj kech Taqawokajnelab’, ruk’ uchuq’ab’ ri tzijol rech chajinem ya’om kumal ri q’atb’al tzij ri ya’tal chi  ke, ri xkiriqo chi k’o ch’o’j ruk’ taq k’aqb’alil, xib’ib’anik xuquje’ k’axk’olil chi ke ri winaqib’ xuquje’ ri patanelab’ tinamit winaqil xuquje’ kuk’ ajch’o’jab’ rech ri keb’ tinamit ri’.

Jas ri kub’ij pa le uro’ (5) taqanik rech ri Taqanem Q’atb’al Tzij 8-2026, ri ub’anik ri taqanik rech chajinem k’o pa uq’ab’ ri Nimawokajil rech ri To’b’al Amaq’, pa komonchak ruk’ ri NImawokajil rech Gobernación xuquje’ nik’aj chik taq uwach ri wokajil rech ri Taqawokajil Banow Taqanik, jacha’ ri taqal che.

Pa le jun nimachak ri’, eri Ministerio rech Gobernación, rumal ri Wokajil Ajchajil Tinamit (PNC), katob’anik pa taq ri chak rech puqchajinem xuquje’ ya’olchajinem ri b’anom rech kaya uchuq’ab’ ri q’atb’al tzij pa taq ri tinamit, rech uq’atexik ri e’itzel taq ajb’anol k’ax xuquje’ rech tob’anik pa uya’ik ub’eyal ri utzilal xuquje’ ri jamaril kub’al k’u’x pa taq ri komon winaqilal.

Eri taqanik rech ub’anik ri nim korlim chajinem pa tinamit ri’ kub’an uloq jub’iq’ q’ateb’al pa kiwi’ ri winaq tinamit, jas ri kub’ij pa ri ukaj tzijob’el (artículo 4) rech ri taqanik. Chi upam wa’ k’o taqanik chi rij ri ub’inisaxik ch’ich’, ri molob’al ib’ pa k’ayib’al on b’e, nimab’e xuquje’ ri taqanik ya’om chi ke ri q’atb’al tzij rech kakib’an ri chajinem.

Ri tinamit ya’talik kakib’anila’ ri kichak pa kik’aslemal, xa’ k’u rajawaxik kakinimaj ri taqanik ya’om loq kumal ri q’atb’al tzij pa le q’ij are chi’ kanajtib’ le taqanik korlim chainiik ri’. Xuquje’, ketzukun kechajinik ri wokajil ajchajil tinamit ri’ rajawaxik b’a’ are la’ kakib’an pa taq ri ub’e’al ri utaqanik ri nimawuj rech Amaq’, pa usaqil ri taqanik, kakinimaj ri k’ulb’a’t tzij ya’om pa le taqanik ruk’ taq ri utz taq no’jib’al ri rajawaxik, ri junam ukojik uchuq’ab’ xuquje’ man k’ot jun b’anow itzel ilonik ri’.

Ruk’ taq ri b’anow ri’, eri Q’atb’al Tzij rech K’amal Ub’e Amaq’ Iximulew, pa keqale’n chak taq molaj k’o pa kaq’ab’ ri chajinem, kuya’ uchuq’ab’ ri tob’anik rech kechajix ri taq ri e’alaxik e’achalalil e’aj iximulew, rech keq’atex ri k’ax kakib’an ri molaj taq ajb’anol k’ax, ajb’anol makunik xuquje’ rech kachajix ri utzilal chi kixo’l taq ri winaq pa Zacapa xuquje’ pa Izabal.

Noticias Recientes