¿Are Chase rech Paw Patril? Are taj, are a Manolo, ri eqa’lenel canino rech ri División rech Investigación, rech Q’ateb’al K’aqb’alil Poq’sab’al ri’ (DIDAE) rech ri Wokajil Ajchajil Tinamit (PNC).

Eri uch’uch’ulem ranima’ ri a Manolo are ri qas kakikajmaj ri winaqil pa uwachwuj pa kaqiq’, are kuk’ut jun ukowonib’al pa le siqonem tzukunik ri’ pa le kaq’atexik ri ajb’anol k’ax ri’.

Rumal k’u ri’ kakib’ij ri winaq eri tz’i’ are la’ jun utzilaj rachib’il ri achi xuquje’ eri tz’i’ Manolo ri’ k’o jun nim tob’anik kuna’w che ub’anik pa le PNC.

Pa jun solinem xb’an che ri tz’i’ eqa’lenel ri’ pa le rachoch ri Ministerio rech Gobernación (Mingob) chi la’ k’ut xil wi che ketz’en ruk’ ri uk’amol ub’e ub’i’ Alexis Domingo, are ajtijonel chi re pa le DIDAE ri’.

Kajib’ ujunab’ ri a Manolo ruk’ waqib’ ik’ are rech le raza Golden Retriever, le loq’ tz’i’ ri’ k’o nim una’ojib’al, reta’m ketz’en kuk’ ri winaq xuquje’ kakikot chi ke, sib’alaj nimanel k’o pa le chajinem tzukunik pa tinamit winaqil xuquje’ pa le wokajil chajin tinamit ri’.

K’o nim utzijol pa uwachwuj pa kaqiq’

Pa le uwachwuj pa kaqiq’ rech ri Mingob k’o wi rachib’al kab’inik, chi la’ k’ut qas kakikajmaj ri winaqil che ri ke’ilowik ri sib’alaj utz ri kakilo, ri xk’ib’ij uiz taq Tzij chi re wari’: “Chiya’o iwanima’ ruk’, sib’alaj utz je’l rilik taq uxajab’ kojom”, “Je’l ”, “je’lik ri Manolo”, “Maltyox Qajawixel eri K9 ri’ qas je’l”, xecha’ ri winaqil.

Ri ch’uti’n ta uxajab¿’ ri Manolo ri’ are qas utz xkilo ri winaq are taq nitz’ ch’uti’n le rilik, rech ukojom rech kub’an ta k’ax ri taq raqan ri’ pa le chajinem tzukunik xuquje’ rumal qaraj kuyaq’o ch’aqap taq lame’t, tzutz ab’aj xuquje’ ri nimab’e tz’aqim rech kaporoj taj le taq raqan.

¿Jachin kuwach ri K-9 ri’?

Eri K-9 e are agentes caninos che ri je’l xetijoxik b’anom rech k’utum chi ke rech kekowon kakiriqo ri k’aqb’alil, ri ub’aq’ k’aqb’alil, ri poq’sab’al, ri awan kunab’al, ri ch’aweb’al xuquje’ ri winaiql. Xuquje’ rech ketob’anik pa le embajadas, pa kachoch ri embajadores xuquje’ pa nimaq’ wokomja pa tinamit are uwach kichak ri’ xuquje’ rech ketob’anik pa le aninaqilem.