Pa le kaq’atexik ri molaj b’anol k’ax pa amaq’ib’ nimatinamit, eri Subdirección General rech Análisis xuquje’ Información Antinarcótica (SGAIA) rech ri Wokajil Ajchajin Tinamit ub’i’ (PNC), pawe q’ij kimik xchap loq a Kelvin David Berón Ramírez, 36 ujunab’, ukojomb’i’aj kab’ixik “Catracho” on “Crunchi”, ri kab’ixik pa ka’mul chik taqom loq uchapik rech taq kataq b’i pa qatb’al tzij kariqitaj najil, ri are xchap loq pa le Amates, Izabal ri’. are kab’ixik k’o umak ub’anom rumal k’o ruk’ jun molaj b’anol k’ax rech q’axeb’al awan kunb’al k’a pa Centroamérica xuquje’ rech xutaq b’i pa Estados Unidos rech América ri’.
Eri tzukunem xuq’alajisanik, che ri Berón Ramírez, k’o pa keb’ taqom loq uchapik rech kataq b’i pache q’atb’al tzij pa Estados Unidos ri’, rumal eri umak kab’ixik xuk’ayij b’i job’ chi pajb’al awan kunb’al pa awalik pa le nimatinamit k’o naj ri’. Xch’ob’ uwach ri’ che are jun uwinaqil ri molaj b’anol k’ax, k’a le 2013 k’a pa febrero rech 2024 ri’, are k’ut xutaq b’i pa awalik ri awan kunb’al ri’ rech kuk’am loq ri cocaína rech ri molaj b’anal k’ax pa Iximulew, Honduras xuquje’ pa nik’aj chik k’olib’alil. Are chi’ xchapik, xriqitaj loq jun kupkik k’aqb’al q’aq’, jun carabina, oxib’ chi cargadores rech ub’aq’ ka’qb’al q’aq’, ruk’ 77 chi ub’aq’ k’aqb’al q’aq’, kajib’ chi ch’aweb’al ruk’ jun pickup. Are taqom loq uchapik rumal ri q’atb’al tzij rech ri Corte Distrital rech ri amaq’ tinamit rech ri Distrito Este rech Texas ri’.
Ruk’ uchapik ri’, e jo’lajuj chik chi extraditable e chapom chik pawe junb’ ri’ rumal k’o ruk’ ri narcotráfico ri’. Eri kichapik ri’ are la’ kuya nim kichuq’ab’ ri eqa’lenem chak tajin ub’anik rumal ri Ministerio rech Gobernación, pa le kaq’atexik nik’aj molaj b’anol k’ax pa taq amaq’ nimatinamit.