Eri nuk’chomab’al rech Cooperación Interinstitucional eri jujch’un nuk’chomab’ chi kuwach ri Ministerios rech Gobernación (Mingob) xuquje’ Comunicaciones, Infraestructura xuquje’ Vivienda (CIVI), pa reqele’n ri Dirección General rech Aeronáutica Civil (DGAC) are retal jun nim ya’ik chuq’ab’ ri b’anob’al kachajiixik ri winaqixel ke’opan pa le aeropuertos internacionales xuquje’ aeródromos rech Iximulew.
Eri Ministro rech Gobernación, Francisco Jiménez, are xuk’am ub’e tzijonem xb’anik, sib’alaj xub’ij wi rupatanib’al ri cooperación interinstitucional rech ri b’anoj chajinem pa taq ri aeropuertos xuquje’ aeródromos ri’. Xuquje’ sib’alaj xub’ij eri rajwaxik ub’im rumal ri K’amal B’e Amaq’ Bernardo Arévalo chi rij ri k’axk’olil kariqitaj wi ri Aeropuerto Internacional La Aurora (AILA), eri nim uchi’ ri okib’al chi la’ che ri ke’ok wi winaqixel achi’ ke’ok loq pa tinamit, are ri’ xta’ik rech kasuk’ub’ax chi la’ k’ut, rech pa kub’al k’u’x keq’ax loq ri winaq ri’.
Xuquje’ eri Jiménez xub’ij che ri nuk’chomab’al xjuch’ kamik are kab’an ri cooperación interinstitucional ri’ rech pa komon kaq’atexik ri b’anoj k’ax ri’ jacha ri narcotráfico, ri ch’ijom b’anoj k’ax, ri k’ayin awan jastaq ruk’ nik’aj chik b’anoj ka’x. “Eri Iximulew kakowonik are jun pa le cholchak rech ri Organización rech Naciones Unidas ri’ pa le kaq’atexik ri winaq e terroristas, ri are kumaj ri ya’ik uchuq’ab’ ri keta’mab’alil ri ajtaqawokaj rech q’atenik k’ax, rech q’atenik k’ax rech terrorismo juntir ri’, ruk’ ukojik ri tob’achakub’al ri nim ropanb’alil”, xcha’.
Rajwaxik kasuk’ub’axik ri aeroportuario ri’
Rumal ri’ eri Ministro rech Comunicaciones, Féliz Alvarado, xub’ij che ri aeropuertos ri’ e are q’a’mb’e nim rajwaxik che ri kutun ri Iximulew ruk’ ri uwachulew, xuquje’ sib’alaj xub’ij che ri usuk’ub’axik jastaq xik’ach’ich’ xuquje’ ri nuk’chomab’al juch’um ri’ are la’ jastaq chakub’al loq’am rumal ri K’amal B’e Amaq’ rech Iximjulew rech kasuk’ub’ex ri uchakub’alil ri aeroportuario pa tinamit, jacha ri Aeropuerto Internacional La Aurora, xuquje’ rech kakuk’isax utz kakojik.
Eri nan nim K’amal B’e rech ri DGAC, Azucena Zelaya, sib’alaj xub’ij che ri juch’um nuk’chomab’al xuquje’ ri tob’anem kumal ri komon wokajilal kuk’utu ri utz nimachak ri chajim b’anom ruk’ usuk’b’exik ri jun utz chakunem chi ke ri konojel ri winaqixel ri’.
Eri cholchak ri’ man xaq taj rech kub’an utz che ri b’anoj chakunem ri’ rech kub’an tane’ utz chi ke ri winaq e b’enal, are rech kub’an utz che ri kachajixik ri winaqillal pa taq ri kopanb’alil ri’ rech pa qatinamit, pa le nim b’anoj kato’ik pa taq ri jujun taq wokajilal xuquje’ are la’ jun kow b’anoj utzil chi ke ri winaqilal pa le aeroportuario pa qatinamit.