Eri viceministro rech Antinarcóticos, Víctor Cruz, xopanik xusolij ri puqtzukunem xb’an kumal ri wokaj ajchajinelab’ rech ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) k’o pa Santo Tomás de Castilla, Izabal ri’. Eri solinem ri’ are la’ xb’antaj pa uq’ijol ri cholchajinem rech kub’al k’u’x kechajix ri winaqil pa le Awas Q’ij Chajim Q’ij pa rulewal amaq’ tinamit.
Pa le ub’ik pa le wa’katem ri’, eri Viceministro xachb’ilax rumal ri k’amal b’e rech ri SGAIA, Wilber Arreaga, ruk’ utob’anik ri rajchakunelab0 ri Empresa Portuaria Nacional Santo Tomás de Castillo ri’, chi la’ k’ut xkib’an usolixik ri puqtzukunem xb’an ri’ xuquje’ xkisolij pa le nimaja k’olib’al kech ri kechakun chi la’ ri’.
Xuquje’ xkisolij uwach taq ri chak ri Binomio K-9, ri e’are kuwacah jun k’amal b’e ruk’ jun tz’i’ ajtzukunel, rech e’ajq’ateb’al chi ke ri nuk’molaj rech taq amaq’ib’, jacha taq ri narcotráfico ri e k’o pa taq ri uk’olib’alil ri portuarias rech ri amaq’ tinamit.
Eri wokajil ajchajin tinamit ketaji che upatanexik ri jalajoj uwach taq ri cholchajinem ri’ rech kakub’isax kachajix ri amaq’ib’ che ri kepe pa taq ri uk’olib’al ri uxlanb’al rech ri amaq’ tinamit xuquje’ rech kesolin chi ke ri keriqitaj pa chajinem pa taq b’anob’al telen tyox pa le Awas Q’ij Chajim Q’ij ri’.