Pa le Nimatijob’al rech ri Wokajil Ajchajin Tinamit (PNC) pawe q’ij kamik xjach kiwujilal uk’isib’al katijoxik ri ajeqa’lenelab’ tijonik ri ke’ok che ajtzukno’jchak xuquje’ e’ajeqa’lenelab’ pa inspectoría general ri’. Ruk’ ya’ik keqale’nib’al ri e k’ak’ taq ajeqa’lenel pa taq uq’ab’il kawokajilal e’ajchajin tinamit ri’ kuya uchuq’ab’ ri b’anow tzukno’jchak ri’ xuquje’ ri b’anow chak ri’ rech uq’atexik taq ri b’anow k’ax xuquje’ rech uya’ik uchuq’ab’ ri kichakri PNC.
Pa le wokajl ajchajin tinamit ri’ e k’o 198 chi eqa’lenelab’ xkitz’aqatisaj ri uwach q’attijonem ri’ rech b’anow tzukno’jchak, jeri’ e k’o 45 chi eqa’lenelab’ ri xkik’iso ri ukab’lajuj uwach retal tijonem rech ajeqa’lenem rech inspectoría general ri’.
Eri q’atb’al tzij xkiya utzijol eri k’ak’ eqa’lenelab’ ri’ e’are ketaq pa chajinem pa le Subdirección General rech Investigación Criminal (SGIC) xuquje’ pa le Inspectoría General (IG) ri’ chi la’ k’ut kakikoj wi ri chak xkich’ob’ ub’anik ri’ rech uq’atexik taq b’anow k’ax, rech uya’ik uchuq’ab’ ri tzukno’jchak chi rij uq’alajisaxik b’anow taq k’ax xuquje’ rech kakub’isaxik ub’anik pa amaq’el ri chajinem pa ucholalejil pa amaq’ tinamit. Xuquje’ sib’alaj kakub’isax uwach ri b’anoj taq tijonem ri’ rech uya’ik uchuq’ab’ ri uchakunik ri uwokajil ri PNC pa le uq’atexik ri b’anow k’ax.
Le ilob’anowem ri’ are xnab’ejsax ub’anik rumal ri viceministra rech Tecnología, Karen Ortiz ri’. Pa le xub’ij k’ut, xeb’usik’ij ub’ixik chi ke ri k’ak’ eqa’lenel ajeta’manel ri’ pa suk’ilal b’a’ chakib’ana ri kichak xk’ut chi ke rech utz na’ojilem chajin tinamit.
Rumal ri’ eri k’amal b’e rech ri PNC David Custodio Boteo, sib’alaj xuya ub’ixik chi k’o nim upatanib’al uchak le inspectoría general chi rij pa kub’alil kab’an ri chak ri’ ruk’ usuk’ilal, usaqilal xuquje’ pa ch’ajch’ob’em tzij.
Jeri’ sib’alaj xuya ub’ixik che ri eqa’lenem chak ri’ are kab’an ruk’ ajeta’manem chajin tinamit pa le uya’ik uchuq’ab’ ri tzukno’jchak q’alajisab’al ri’ xuquje’ ruk’ jun nim una’ojilal ub’anikil wokajila ri’ chi rij le suk’ilaj q’atom tzij ri’ rech kawokik le jun wokaj chajin tinamit ri ajeta’manel xuquje’ ri kak’oji chi kinaqaj ri winaqil pa tinamit.
Pa le b’anowem ri’ are jun xk’oji ri k’amal b’e, Héctor Prera; ri subdirector rech Estudios xuquje’ Doctrina, Abelardo Cucul ri’ xuquje’ kuk’ ri taqanelab’ rech wokaj chajin tinamit ri’.