Eri wokajil ajchajil tinamit tajin kakib’an uk’amansaxik chi ke ri winaq rech k’o b’iw ub’ixik kumal.

Pa le juntir uwachulew ri’ tajin kak’utun wi ri k’axk’olil ri kub’an k’ax chi ke konojel ri winaqib’. Rumal ri’ k’a pa 2007 ri eri Organización rech ri Naciones Unidas (ONU) pa jujun taq 2 rech octubre kab’an uq’ij ri Día Internacional rech ri No Violencia ri’, rech kana’tix uq’ij ri ralaxik ri Mahatma Gandhi ri’, ajk’utunsanel rech ri reta’mab’alil ri maj b’anoj k’ax ri’.

Pawe q’ij ri’, eri q’atb’al tzij rech ri Ministerio rech Gobernación (Mingob) xuquje’ rech ri Wokajil Ajchajil Tinamit (PNC), kakitaqij ub’anik ri utzilaj katijoxik ri e k’ak’ taq reqa’elenel chajin tinamit, rech b’a’ kakik’utunisaj ri joremal pa kik’aslemal ri winaqib’.

“Man k’ot ub’antajik pa usuk’alil ri’ we man k’ot jun ajchajinel tane’ kunimaj wa’ unimaxik ri ch’ojib’al ya’talil chi ke ri winaqilal”.

Kicha’ a Wilson Pineda,

Subdirector rech Estudios xuquje’ Doctrina rech ri PNC.

Eri b’anonem ri’ are la’ k’o pa le Cholchak rech Tijonem rech ri Ub’anob’alil ri Transformación Policial, rech utaqim ub’anik ri uk’utik chi kuwach ri winaqilal rech pa utz kakil ri kichak ri wokajil chajin tinamit pa uk’amsaxik chi ke rech k’o b’iw ub’xik loq kumal. Eri chak xb’an pa junab’ ri’ kumal ri reqa’lenel ri Subdirección General rech Q’ateb’al ri k’ax ri’  rech ri PNC, are la’ ub’anom uya’ik uchuq’ab’ri tijonem xuquje’ rech xetijoxik ri 46 mil chi eqa’lenelab’ ri’ rech e tujuninaq chi ke ri kachi’l rech pa le q’atenik ri k’axk’olil.

Eri tijob’al ri’

Eri Subdirector rech Estudios xuquje’ Doctrina rech ri PNC, Wilson Pineda, kub’ij che ri k’i junab’ chik ok’owinaq pa Iximulew xuquje pa América Latina ri’ kab’ix ucholaj che ri jun ajchajin tinamit ri man utz taj kub’an ri’. Man je ta ri’ are la’ k’extajinaq chik uwach pa taq le junab’ che ri xq’axik, chi’ k’u ri’ eri katijoxik katajin ri’ are la’ kuya jun nim utzilem pa le kichak ri e ajchajil tinamit. Rech kaya uchuq’ab’ unimaxik ri ch’ojib’al ya’talil chi ke ri winaqil pa tinamit.

“Chanim k’ut are la’ rajwaxik kanimax ub’anik wari’ rech kuq’at ri ub’e kichak ri ajchajil tinamit pa le nimab’al rech ri ch’ojib’al ya’talil chi ke ri winaqib’ jacha k’o pa le taqanem”, xcha’ ri Pineda. We chanim qeta’m b’a’ che ri uch’ob’ik ri b’anoj ri chak ulanem kumal ri ajchajil tinamit, ri cholchak ri c’ob’otal chak ri’, are rech eri wokaj chajin tinamit pa utzilem saqilal b’a’ kakinimaj ri ch’ojib’al ya’talil chi ke ri winaqib’ pa le b’anoj kichak ri’.

Ri cholchak ri’

Ri b’anoj chajin tinamit are la’ k’o uwach pa le Plan Nacional rech Desarrollo K’atun: ub’i’ Nuestra Guatemala 2032, pa le Plan Nacional rech Seguridad, pa le Política Criminal Democrática rech ri Amaq’il Iximulew ri’, pa le Política Nacional rech  Q’ateb’al ri K’ax ri’ 2014-2034, pa le Estrategia Nacional rech Q’ateb’al ri k’ax ri’ 2017-2027, xuquje’ pa le Política General rech Gobierno 2020-2024 ri’.

E 46 mil chi reqa’lenel ri PNC kitijom kib’ pa le q’ateb’al ri k’ax ri’.

Eri q’atb’al tzij xkib’ij che ri reqa’lenel ajchajin tinamit kib’anom chik ri cholchak pa wokajil tinamit ri’ rech ri Cholchak rech Prevención Escolar chi ke 667 mil 902 chi e ajtijoxel. Jeri’ pa le Cholchak rech Prevención Comunitaria ri’ xe’utijoj ri’ 320 mil 526 chi tat nan, winaq e ajk’ul ja xuquje’ chi ke e ajtijonelab’. Rumal ri’ eri Cholchak rech ri K’uttijonem ri’ rech Actualización Permanente xetijox ri’ e 46 mil 669 chi reqa’lenel ajchajin tinamit.