Rumal k’ut e k’o ri winaqil xkiya uloq ub’ixik, pa le 14 rech abril eri rajtzukunel ri Inspectoría General (IG) rech ri Wokajil Ajchajil Tinamit (PNC), xkichap uloq keb’ e ajchajinel tinamit rumal e are kab’xik xkitoq’ij pwaq chi rech jun winaq rech kakikamisaj taj rumal ri’ xechap uloq.
Eri q’atb’al tzij rech ri Ministerio rech Gobernación xetaqon chi kech ri IG rech pa aninaqil kakitzukuj wari’, pa le 4a calle xuquje’ 15 avenida, zona 13.
Eri xechapik e are k’ut ri ajchajinelab’ kib’i’ a David Abraham Juc Ac xuquje’ a Fredy Estuardo Espino, e are kab’ixik keriqitaj pa chak pa le Comisaría 13 xuquje’ xeriqitajik are chi’ ketajin che utoq’axik ri pwaq che ri jun winaq ri’.
Maltyox che ri uchuq’ab’ xya’taj che ri Ministerio rech Gobernación ri uchakum chik, rumal eri rajchajinel ri IG xkiterenb’ej pa aninaqil ri ub’ixik uloq kumal ri winaqil. Are wa’ kaya uchuq’ab’ uchakuxik pa kesaxik b’i ri e Itzel taq ajchajinelab’.