Pa uterenb’exik uchomaxik le b’iw b’ixik loq kumal winaq, rumal ri’ xb’antaj kowonem xechap nik’aj pandilleros xkib’an k’ax pa Villa Nueva, Iximulew, eri reqa’elenel le Delegación Especial rech Investigación pa tinamit ri’ xuquje’ kumal reqa’lenel le División Especial rech Investigación Criminal (DEIC) rech ri Wokajil Ajchajil Tinamit (PNC) xkikoj le tzukno’jchak chi la’ k’ut, rech xchap ch ila’ ri jun pandillero Luis Enrique “N”, alias Panda rech ri jun clica Solo Para Locos rech ri Barrio 18.
Eri jun achi’ are kab’ixik xchapik are chi’ xk’is roqataxik pa le q’axeb’al pa jun nima’ chi la’.
Eri winaq chi la’ xkiya ub’ixik utzijol che ri jun a Enrique “N” sib’alaj ke’uxib’ij le winaqil chi la’ pa le zona 12 rech Bárcenas, Villa Nueva.
Pa le ucuenta rech X, le Ministro rech Gobernación Francisco Jiménez xuch’ob’ che ri jun winaq ri’ xchapik are chi’ xb’an jun nim utzukunik kumal ajchajil tinamit.
Xuya uq’ij le chak xb’an kumal ri ajchajil tinamit ri xechapoj loq.
Eri jun winaq xchapik k’o umak ub’anom pa kaq’ab’ e ajchajil tinamit rumal xrajxe’ukamisaj, rumal xreleq’aj kika’qb’al ruk’ kijastaq rech etz’anem.
Xuquje’ xutaq kik’aqik rajchajinel ri tinamit pa Bárcenas. Xuquje’ xub’an toq’inik pwaq chi ke taq ak’ayib’ ri’, pa kachoch winaq xuquje’ chi ke ri e’ajchoq’e ch’ich’ rech ri zona 12 rech Villa Nueva xuquje’ chi ke ri kakaj taj kek’aqik.
Pa le aentamiento Nuevo Amanecer II, zona 21 reh ri uk’u’x nimatinamit, xriq wi oxib’ k’aqb’alil, keb’ tolvas, ruk’ jun ch’ich’ kab’ixik elaq’am b’i, ruk’ awan kunab’al xuquje’ ch’a’web’al, ri xkipis b’i ri q’atb’al tzij rch ri Ministerio Público (MP). Eri q’atb’al tziji ri’ xkib’ij che ruk’ ri jun a Enrique “N”, xechap e job’ chi winaq, ri xek’am b’i pa q’atb’al tzij rech Torre rech Tribunales ri’.