Pa le wuqq’ij rech ri 21 pa le 27 rech diciembre ri’, eri wokajil ajchajin tinamit sib’alaj xkichap loq e 914 chi winaqil pa taq tinamit. Eri xechap ri’, e k’o 173 xechap loq ri xtaq kichapik rumal taq q’atb’al tzij, e k’o 741 xechapik are chi’ ketajin che b’anoj k’ax.
Xuquje’ pa le q’ij ri’, xriqitaj loq 82 chi k’aqb’al q’aq’ xuquje’ e k’o 73 chi winaqilal keqam k’aqb’al q’aq’ maj pa usaqil xechapataj ri’. Rumal ri b’anoj puqtzukunem chajinik, xb’antaj kowonen xriqitajik 26 chi kejach’ich’ xuquje’ b’elejeb’ chi b’insal ch’ich’.
Rumal ri’ sib’alaj xb’antaj kowonem xchap loq ri jun uwaq ajpache’ chi ke ri e 20 ri xkesaj b’i kib’ pa le rachoch japache’ Fraijanes II. Eri puqtzukunem ri’ are la’ xb’antaj pa le aldea Las Pitas, Los Amates, Izabal, chi la’ k’ut xriqitaj wi loq a Milton Noel Najarro García, alias “El Soberbio”. Eri jun xchapik tajin che utojik ri umak chi rij taq ri b’anoj kamisanik, chi rij b’anoj k’ax ch’ijom chak chi ke ri winaqilal pa le ub’anik k’ax chi ke ri’.
Eri puqtzukunem chajinik xuquje’ ri q’atenik b’anoj k’ax pa ronojel rulewal amaq’ tinamit, ri b’anoj chajinem kumal taq ri comisarios rech pa jujun taq tinamit, eri solinik ri jujun taq distrito xuquje’ kumal ri ajtaqanelab’ chajin tinamit, ruk’ ri utaqixik ya’ik uchuq’ab’ ri b’anoj chajinem winaqilal are la’ xub’an nim upatan ri’.