Eri reqa’lenelab’ ri División Especializada rech Investigación Criminal (DEIC), rech ri Wokajil Ajchajil Tinamit (PNC), ruk’ katob’aniK rajq’atol tzij ri Ministerio Público xkib’an jun nim katzukuxik nik’aj e’ajb’anol k’ax kamisanik chi k’aqb’al ri xk’ulmataj pa jun k’ayibal k’o pa le zona 1 rech Coatepeque, Xe’laju’.
Pa le tzukunem ri’, eri wokajil ajchajil tinait xkiriq jun chi ke ri nik’aj e b’anol k’ax ri’, are ri’ a Kevin Cubin, 24 ujunab’, ri kab’ixik chajim rumal ajchajil tinamit pa rachoch rech kunanib’al winaq chi’ la’. Eri jun winaq ri’ are kab’ixik xa’ xk’am b’i chi la’ nimaja rech kunanib’al, chi la’ k’ut xtzaq wi kanoq pa le ja rech kekunax wi winaq, ri pa aninaqil xya kanoq chi la’ k’amom b’i pa jun ch’ich’.
Eri puq tzukunelab’ rech ajchajin tinamit e are xe’ilowik pa le esan rachib’al uterne’xik chajinem chi la’, rumal ri’ xch’ob’otaj kuwach nik’aj winaq ri’, rech xmol juntir kitzijol are chi’ xkib’an ri k’ax.
Are chi’ xnab’ejsax utzijol kumal ri q’atb’al tzij xkib’ij chi k’o keb’ ucholaj ri b’anoj k’ax ri’: ri nab’e ch’ob’oj ri’ are kub’ij k’o awan kunab’al xkeleq’aj rumal ri’ xekamisaxik, xuquje’ ri ukab’ ch’ob’oj ri’ kab’ixik xa’ rumal kech’ojin chi rij ri k’olib’alil kakik’ayij wi ri awan kunab’al pa taq discotecas xuquje’ pa le kab’an xajow tijom tzam chaq’ab’ chi la’ k’ut.