Eri Wokajil Ajchajin Tinamit (PNC) ketajin pawe q’ij ruk’ ri cholchajinem ub’i’ Operación Centinela ri’ rech taqim uq’atexik taq ri b’anoj k’ax kamisanem ri’ xuquje’ rech ya’ik uchuq’ab’ ri chajinem pa rulewal tinamit rech Escuintla ri’. Rumal ri’ tajin ri kemonchak puqtzukunem chajinik ruk’ ri Taqawokajil Japache’ ub’i’ (SP) ri’ xuquje’ kuk’ ri Wokajil Ajchajin Amaq’ Iximulew.
Pa keb’ q’ij chik tajin ri puqtzukunem ri’, rumal ri’ eri q’atb’al tzij sib’alaj ketajin che ri b’anoj puqtzukunem chajinik rech uq’atexik taq ri k’ax ri’ xuquje’ pa taq ri k’olib’al chajinem katajin pa taq nimab’e ri’. Rech kaq’atexik ri b’anoj k’ax xuquje’ rech e k’i pa kajilab’al ri ajchajin tinamit kek’oji chi rij taq kejach’ich’ xuquje’ che kaqan pa le b’anoj chajinem ri’ xuquje’ rech ri puqtzukunem rech pa le rilik kitzijol ri winaqil xuquje’ ri b’insal taq ch’ich’ ri’.
“ Eri puqtzukunem ri’ are la’ qas k’o nim upatanib’al pa le ya’olchajinem winaqil pa tinamit ri’, rech ri ya’olchajinem pa rulewal tinamit xuquje’ rech b’anik utzil chi ke e loq’ taq winaqib’ ri’”, xcha’ le ministro rech Gobernación, Marco Antonio Villeda, pa le k’utub’an rech ri cholchajinem xb’an iwir pa le Gobernación Departamental rech Escuintla ri’. Chi la’ k’ut eri q’atb’al tzij sib’alaj xkiya ub’ixik che are la’ ri k’o nim upatanib’al ri’, ri chajinem pa amaq’el pa Escuintla ri’.
Xuquje’, xb’ix chi ke ri winaqil pa tinamit ri’ rech chakiya b’a’ ub’ixik loq ri’ xuquje’ rech kato’ik ub’anik ri jikom chajinem pa tinamit ri’. Wexa’ k’o man utz taj kakilo kab’anik, chakib’ij loq pa le 110 xuquje’ pa le 1561 ri’.