Eri Wokajil Ajchajin Tinamit (PNC) sib’alaj katajin ri chajinem ri’ pa taq k’olib’em rech ri amaq’ tinamit, rech taqim kachajixik ri winaqilal pa le Awas Chajim Q’ij ri’.
Are uwach ri chajinem ri’, kumal reqa’lenelab’ ri wokajil chajin tinamit ri xetaq pa taq le campamentos rech ri Sistema Nacional rech Q’ateb’al K’ax pa Awas Chajim Q’ij ujb’i’ (Sinaprese 2026), jeri’ pa taq ri k’olib’alil ri chajinem kab’an pa taq ri nimab’e xuquje’ pa taq uxlanb’alil ri’.
Eri puqtzukunem ri’ are xb’an kumal ri ajchajiin tinamit pa taq ri wokja che ri qas kab’antaj wi ri k’ax, k’o chajinik kab’an pa taq ri nimab’e jeri’ che kaqan kechajinik pa taq tinamit xuquje’ chi uchi’ taq nim palow, rech kaq’atexik ri b’anow taq k’ax, rech kanab’ejsax ub’anik uq’atexik taq ri k’ax xuquje’ rech kab’an ri kilonik kato’ik ri winaqil pa saqaq’ij ri’.
Rech kab’an usolixik ri chajinem, le viceministro rech Seguridad, Roberto Solórzano, xb’iniki xwa’katik pa taq jalajoj taq k’olib’em pa Escuintla. Xuquje’ xutaq ub’ixik chi ke ri eqa’lenelab’ rech ri puqtzukunem rech chakib’ana pa suk’ilal ri kichak ri’ jacha kub’ij ri taqanem ri’, rech pa saqilal b’a’ chechajinoq xuquje’ ruk’ pa utzilaj taq b’anob’alil ri’.
Pa jun chi ke ri k’oilib’al chajinem ri’ k’o pa le kilómetro 40 rech pa nimab’e Palín-Escuintla, che ri xopan wi che usolixik ri kichak chajinem ri wokaj ajchajinelab’ e taqom chi la’, che usolixik taq ri ch’ich’, rech ketob’an chi ke ri e’ajb’insal taq ch’ich’ xuquje’ rech ujipixik ri wujtzijol rech ya’ol b’ixik ri’.
Jeri’ , eri nim patanel ri’ xopa pa le uchi’ nimapalow rech ri Puerto de San José, chi la’ k’ut xub’an wi le kilik ri puqtzukunem chajinik kumal ri e’ajchajin tinamit xuquje’ rech pa ub’sanik ri chak tob’anik ri’ kuk’ nik’aj chik taqawokajilal rech niman ib’ ilonik pa tinamit ri’.
Chi la’ k’ut, eri eqa’lenalab’ chajinik ri’ ketajin wi che ri kachajixik ri winaqilal rech uq’atexik ri k’ax, ruk’ ri xjach ri kipasil rech kaq’ab’ ri taq ak’alab’ e ch’uti’n na xuquje’ ruk’ katob’anik taq ri salvavidas ri’.
Le Viceministro Solórzano xub’ij ucholajil chi ke konojel ri wokajil ajchajin tinamit ri keriqitaj pa b’anow chajinem ri’ rech qastzij b’a’ ketajin che ri chajinem pa le uxlanb’al q’ij rech ri Nim Awas Chajim Q’ij.
Xuquje’ xuna’tij ub’ixik chi ke ri winaqilal ri’ wexa’ k’o ri k’ax kakilo kak’ulmatajik, chaib’ij b’a’ apan pa le 110, pa le 1561 xuqjuje’ pa le 4028-1451 chi paq’ij chi chaq’ab’ ri’ rech pa le rikik pa aninaqil ri’ xuquje’ rech kakik’am uwach taq ri b’iw ub’ixik loq kumal ri winaqilal.