Sib’alaj rajawaxik b’a’ ri usolixik ri ya’olchajinem ri’

E reqa’lenelab’ ri Wokajil Ajchajil Tinamit xuquje’ reqa’lenel ri Departamento rech Trànsito rech PNC k’o b’anoj solinem tzukunik xkib’an pa le kilòmetro 31 pa nimab’e kab’e pa Atlàntico pa k’ulb’a’t b’e k’o chuxo’l ri Iximulew ruk’ El Progreso xuquje’ rech k’o b’anoj tzukunem rech uq’atexik ri jun k’ax Itzel yab’il rech ri COVID-19 chi ke ri e ajb’inisal ch’ich’ che ri kewa’katik pa le juyub’ ri’, xkib’ij k’ut che ri b’anoj solinem tzukunik kumal ri PNC are sib’alaj rajawaxik kib’an ri’.

Eri b’anoj solinik kumal e ajchajil tinamit are rech kanimaxik ri xutaq ub’anik rumal ri K’amal b’e Amaq’ Alejandro Giammattei, rumal ri Ministro rech Gobernaciòn Edgar Godoy xuquje’ rumal ri Viceministro rech Seguridad, Gendri Reyes ri’.

Eri q’atb’altzij rech ajchajil tinamit xkiya’ utzijoxik che k’o e jo’ob’ e ajchajinel rech PNC ketajin pa solinem pa nimab’e kab’e El Progreso, chi’ k’u ri’ kasolim chik kuwuj e 500 e ajb’inisal ch’ich’ we k’o pa saqil kuwuj rech keb’el b’i pa Iximulew ri’.

Xuquje’ xkiya’ loq ub’ixik che k’i ri winaqil e achalalil sib’alaj kakaj ke’ok loq pa nimatinamit rech e petinaq che kasolixik kachalal. Eri winaqil ri’ xetzalix b’i pa taq katinamit rech kaq’atexik ri jun k’ax Itzel yab’il ri’.

E k’o e k’i e ajchak che ri keqam b’i kuwujil ri xkib’ij che ri kachak ri e ajchajil tinamit k’o pa nimalaj utzilem rech uq’atexik ri k’ax yab’il COVID-19 pa taq le tinamit ri’. Pa kijujunal ri e ajb’inisal ch’ich’ keqam ri kuchb’al kichi’, kigel xuque’ kuchb’al kaq’ab’ ri’.