Are uwach ri b’anon chajinem pa amaq’ tinamit xuquje’ pa uq’atexik ri narcotráfico ri’, eri Subdirección General de Análisis de Información Antinarcótica (SGAIA) rech ri Wokajil Ajchajin Tinamit (PNC) xkiriqo xkiporoj 66 mil raqan ichaj rech marihuana pa jun k’ache’laj k’o apan pa le uq’ab’ tinamit rech Melchor de Mencos, Petén.
Jacha ri kub’ij ri ub’ixikil ri PNC, eri awan tiko’nib’al eri rajil are Q24 millones 750 mil chi upwaqil amaq’ tinamit ri’ xuquje’ are xriqitajik pa jun puqtzukunem tzukunik xb’an pa le uq’ijol ri Korlim Ya’olchajinem pa rulewal ri amaq’ tinamit ri’, eri b’anoj chajiem ri’ are xutoq’inik rech xetaq e k’ilaj ajchajinel pa tinamit ri’ rech kaq’atexik nik’aj molaj b’anoj k’ax rech k’ayin awan kunb’al ri’.
Eri PNC sib’alaj xkib’ij ch eri b’anoj korlim chajinem are xtob’anik rech xq’atexik kipwaq kirajil ri narcotráfico ruk’ resaxik kachuq’ab’ ri b’anoj k’ax kumal ri’ pa releb’al kaqiq’ che ri amaq’ tinamit. Jeri’ xkib’ij che ri b’anoj puqtzukunem pa jalajoj taq k’olib’alil ri amaq’ tinamit, are uwach ri puqtzukunem tzukunik rech ya’ik uchuq’ab’ ri chajinem winaqil xuquje’ rech kaq’atexik ri b’anon k’ax k’ayewal ri’.