Eri nimalaj b’anoj puqchajinem tzukunik ri kekowon kumal ri wokaj chakuja rech ri Comisaría 16 rech ri Wokajil Ajchajil Tinamit (PNC), pa le k’isb’al q’ij ri’ xekowonik xkichapo e waqib’ chi uwinaqil nik’aj pandillas che ri xkaj xkib’an k’aqanik pa tinamit rech Mixco xuquje’ pa nimatinamit Iximulew ri’ rumal e’are k’ut sib’alaj tajin kakib’an toq’inik pwaq ri’. Rumal ri’ eri reqa’lenel chajin tinamit ketajin che unimaxik ri xutaq ub’anik rumal le Ministro rech Gobernación, Francisco Jiménez: rech kakub’isaxik kachajixik juntir ri kik’aslemal ri winaqilal e’aj iximulew ri’.
Xchap jun ajb’inisal taxia pirata ri’
Pa le 5ta avenida xuquje’ 1ra calle rech ri zona 4 rech Mixco, eri reqa’lenel ri PNC xkiq’atij kichapo a José “N” 23 ujunab’ ub’inisam jun taxi pirata ri’. Eri tzukno’jchak xb’an chi ri ri’ xuq’alajisaj che ri jun achi ri’ xraj xuk’aq jun winaq che ri katoq’im pwaq chi rech. K’o jun k’aqb’al reqam xriqitaj ruk’ ri’ xuquje’ ruk’ ri jun ch’ich’ ub’inisam ri’.
Uwinaqil ri Mara 18 xechapik
Eri reqa’lenel ri Comisaría 16 rech ri PNC xkichap loq jun achi ub’i’ a Boris “N” 25 ujunab’ xuquje’ a Wagner “N” 29 ujunab’ pa le 10 Avenida rech riCalzada San Juan, 4 rech Mixco. Eri e keb’ xechapik e uwinaqil ri jun Mara 18 xuquje’ e’are kab’ixik e b’enaq che uk’aqik le jun winaq katoq’im pwaq chi rech. Pa le puqchajinem q’atenik ri’ xriq jun k’aqb’al ruk’.
Pa San Cristóbal ri’
Pa qajib’al iwir, k’o ri jun achi ub’i’ a José “N” 25 ujunab’ xchap k’ut kumal reqa’lenel ri Comisaría 16 rech ri PNC pa bulevar San Cri’tóbal, zona 8 rech Mixco rumal reqam jun k’aqb’al. Are kab’ixik b’enaq che ub’anik jun k’aqanik chi la’ k’ut are rech b’anoj toq’inik ri pwaq ri’.
Nik’aj ak’alab’ xechap b’i pa q’atb’al tzij
Pa k’isb’al ri’, e k’o keb’ e q’apojil 16 xuquje’ kijunab’ chi jujunal, e are kab’ixik e uwinaqil ri jun Mara Salvatrucha, ri xb’antaj kowonem xeq’atexik kumal reqa’lenel ri Comisaría 16 rech ri PNC are chi’ e b’enaq che kak’aqik pandilleros ri kak’u’lel katzilib’am kuwach.
Eri reqa’lenel e’ajchajil tinamit xkich’ob’ kuwach pa le 0 calle rech ri colonia La Florida, zona 19 rech ri nimatinamit xuquje’ k’o jun k’aqb’al xriq kuk’, ruk’ jun kejach’ich’, ri xa’ keleq’am. Rumal ri’ xek’am b’i pa jun Q’atb’al Tzij rech Ke’uchomaj Ab’om Alitom Kakik’ule’laj Tzij.
Xq’alan k’ut
Eri Ministro rech Gobernaxión, Francisco Jiménez, xutzij pa le uwachwuj pa kaqiq’ ub’i’ red social X ri winaq xechapik xuquje’ xkub’isaj utzijjoxik che ri puqchajinem q’atenik ri’ kumal e’ajchajin tinamit are la’ jun retal kaq’alik ri nik’aj molaj b’anol k’ax che ri kekamisan chi kech ri winaqil e’aj iximulew.