E k’o kak’al lajuj chi e ajchajinelab’ rech lajuj taq chakuja rech ri Wokajil Ajchajil Tinamit (PNC), pa komonchak kuk’ taq ri wokajilal rech ri Q’attaqanem Amaq’ xkib’an k’ut jun nim solinem pa rachoch taq k’ayib’alil ri k’ak’ayix tzan ri k’o pa le zonas 1, 2 xuquje’ 3 rech ri nimatinamit. Eri b’anoj taq tzukunem ri k’o pa le Plan Centinela ri’.
Pa le tzukunem ri’ xe’achila’n wi ri rajchak ri Ministerios rech Salud Pública xuquje’ Asistencia Social (MSPAS), rech Chakunem (MINTRAB) xuquje’ rajq’atanel ri Q’atb’al Tzij rech Asuntos Municipales ri’.
Eri taqim kumal ri ajchajinelab’ are ri kub’sib’al k’u’x chajinem winaqilal ri’, rech uq’atexik riqon k’ax pa taq ri nimab’e xuquje’ rech uq’atexik ri b’anoj taq k’ax, rech kataqixik ub’anik ri tzukunem pa taq ri wokja k’olib’em che ri qas kak’ulmataj wi ri b’anoj k’ax pa taq tinamit rech Iximulew.
Pa le b’anoj taq tzukunem pa wokajilab’al, xchap wi loq jun ixoq ub’i’ Paola Fabiola Chután Arraxan, 42 ujunab’, pa jun bar k’o pa le 7 avenida 33-48 A zona 3 rech ri nimatinamit, rumal xuch’a’jarik xyoq’onik chi ke ri q’atb’al tzij ri’.
Eri wokajil ajchajil tinamit xkib’an ri tzukunem chajinik ri’ xuquje’ rech uq’atexik riqon k’ax pa taq nimab’e chaq’ab’ xuquje’ ri ch’ich’ rech ri tinamit rech Iximulew.
Pa le uq’ij ub’anik ri nim tzukunem q’atenik ri’, pa komonchak kumal ri wokajilab’al. Chi’ k’ut xb’an rilik kitzijol ri winaqil xuquje’ xya kiwujil k’o pa saqil ri winaqilal, rech xb’an rilik we man taqom ta kichapik.