Le Komon Chomanem rech Q’atenik ri K’ax chi ke ri ixoqib’, ri xkoj ub’anik rumal le Ministerio rech Gobernación (Mingob) pa reqele’n ri Viceministerio rech Q’atenik ri K’ax, kamik xb’an le k’ak’ riqob’al ib’ chomanem kuk’ rajchomanelab’ ri taqwokajil kuk ri winaqilal e ajchomanelab’ rech pa komonchak kakib’an ri q’atenik ri k’ax chi ke ri ixoqib’ pa Iximulew.
Le Viceministra rech Q’atenem K’ax, Mayda De León, are xuk’am ub’e ri komon chomanik xb’anik, pa le xub’ij wi ri nim upatanib’al le komon chakunem pa wokajilal kuk’ ri winaqil rech q’atenik ri b’anoj k’ax xuquje’ ri itzelal chi ke ri ixoqib’.
Xuquje’ eri Viceministra ri’ sib’alaj xub’ij chi k’o ni upatanib’al le b’anoj kilik kachomaxik riwinaqilal xuquje’ rech keto’ik ri winaqil kik’ulma ri k’ax.
Pa le riqob’al ib’ xb’an wi k’utub’al rech ri Cholchak rech Q’atenik ri K’ax pa Kachoch Winaqib’, ri are tajin le rilik uchomaxik, rech uq’atexik uchuoisaxik ri b’anoj k’ax ri’ pa juntir taq uwach k’ib’anoj uchomaxik. Xuquje’ sib’alaj xuya ub’ixik utzijol chomanem rech keto’ik ri winaqil kik’ulmam ri k’ax, rech le kilik kachomaxik, rech kena’ojixik, rech kena’ojixik kumal ri ajtob’anel kech xuquje’ rech ketijoxik le tat nan.
Xuquje’ xutziijoj uwach ri upatanib’al uchakunik le Departamente recj Atención chi ke ri Winaqib’ Kik’ulmam ri k’ax pa rulewal qatinamit, kumal ri ajtijonelab’ chi ke, rech ke’ilik keto’ik, rech keqaj ta chik pa riqoj k’ax ri’, rech pa kub’al k’u’x kek’oji wiri’.