Eri taqawokajnel rech ri ya’olchajinem pa we Amaq’, David Napoleón Barrientos xuk’ul panoq ri embajador rech Estados Unidos rech América, Wiliam W. Popp, eri wujilal rech kuq’axe’j ri eqelemnik pa uq’ab’ ri’ arech rech ri jo’ob’ helicópteros UH-1H ll, rech ri Fuerza de Tarea rech Interdicción Aérea, Antinarcótica xuquje’ Antiterrorista (FIAAT) rech ri Wokajil Ajchajil Tinamit (PNC).

Eri ilb’anonem ri’ are xb’an pa le 24 rech agosto ri’ ri xk’oji ri wi ministro rech ri Defensa Nacional, Henry Reyes Chigua ri’, ri ministro rech Relaciones Exteriores, Mario Adolfo Búcaro ri’, ri primer viceministro rech Seguridad, Carlos Franco Urzúa ri’, ri quinto viceministro rech Antinarcóticos, Fernando Rodas, ri k’amal b’e rech ri Sección rech Asuntos Antinarcóticos xuquje’ Kojb’al ri Taqanem ub’i’ (INL) rech ri Embajada rech Estados Unidos pa Iximulew, ri taqanelab’ e ajchajil tinamit xuquje’ kuk’ ri winaqil xesik’ix chi’.   

We q’ij kamik, kaqak’am uq’ab’il rech unimaxik ri b’anonem pa taq nimatinamit pa uwachulew rech ri ilonb’al chakunem xuquje’ rech upatanexik, rech kub’an utz che ukojik ri xik’ich’ich’ ri’, jacha tajin ujachik loq rumal ri Wokom Patanelab’ rech ri Estados Unidos pa le Amaq’il rech Iximulew ri’. xuquje’ kinmaltyoxij xuquje’ kinya’o uq’ij kichak b’anom kumal reqa’lenel ri FIAAT, ri are la’ jun wokaj ajchajinelab’ k’o nim upatanib’al pa le q’atenik kuwach ri narcotráfico pa we Amaq’, xcha’ ri ministro Barrientos ri’.

Rumal ri’ eri embajador Popp sib’alaj xub’ij che pa we q’ij ri’ eri FIAAT xuya uchuq’ab’ ri rachib’al ri Amaq’il ri’ pa taq ri tinamit k’olib’em qas k’o wi ri k’axk’onem pa we Amaq’, xuya’ jun nimalaj uchuq’ab’ ri kichak patan ri rajchak ri’ xuquje’ pa komon xchakuj wari’ kuk’ ri wokaj taq nimatinamit ri’ rech ukojik ri taqab’anoj ri’, rech utulisaxik ri kiqajib’alil xik’ich’ich’, rech uq’axexik q’alajisab’al ri’, rech uchupisaxik peraj tiko’n awan kunab’al xuquje’ rech kechap b’i winaq chi rij wari’.
Rumal ri’ eri nimachak xb’antaj kumal ri puq e ajchajil ri’ juntir ri’ sib’alaj utz pa ub’anik xb’antajik rech pa le unimaxik ri utz taq b’anonem rech ya’olchajinem kub’sib’al k’u’x ri’.

Eri b’anom ri’

Eri puq taq helicópteros ri’ are la’ xya’taj loq rumal ri Wokom Taqawokaj rech Estados Unidos ri’ chi ke ri q’atb’al tzij e aj iximulew pa le 2013. Eri xik’ich’ich’ ri’ are la’ kojom pa taq le q’atenik ri narcotráfico xuquje’ pa le k’amoj b’i jastaq tob’anik chi ke ri winaqilal are chi’ xkiriq k’axk’onem pa uwachulew ri’ xuquje’ rech xq’axexik ri toq’oj kunab’al pa le uq’ijol taq ri itzel yab’il rech ri Covid-19 ri’.

Pa le 26 rech junio rech 2017 ri’, eri keb’ nimatinamit xkijuch’ uwach ri nuk’chomab’al rech achb’ilanik xuquje’ rech tob’anem pa le kilik ri xik’ich’ich’ ri’, ri e chapom chik xukquje’ are la’ xesilox kumal e ajno’jchak estadounidense ri’. eri nuk’chomab’al ri’ are k’ak’is pa octubre rech pa junab’ ri’.