Sib’alaj xb’an kaq’atexik nik’aj b’insam ch’ich’ kib’i’ “Taxis Piratas” xuquje’ xsolix kitzijol kacholaj nik’aj motocicletas pa junab’ ri’. Are wa’ uwach le b’anoj chajinem katajinik, eri reqa’lenel ri Wokajil Ajchajil Tinamit (PNC) ri xkikoj k’olib’al ri chajinem pa tinamt ri’ rech uq’atexik kakojik ri ch’ich’ pa b’anoj taq ri k’ax ri’.
Pa le puqchajinem xb’an kumal ri wokajil ajchajil tinamit e k’o 2 mil 388 kitzijol winaqil xkisolij, rech xkib’an le rilik we man k’ot jun taqom uchapik chi kech. Rumal ri’ k’o keb’ wujil rech b’inisaxik ri ch’ich’ ri’ xuquje’ k’o 292 chi wuj tojb’al xkoj chi ke ri e’ajb’inisal ch’ich’ ri xemakunik pa uq’ab’ ri Taqanem rech Tránsito ri’.
Xuquje’ e k’o 1 mil 332 chi kejach’ich’ xuquje’ e k’o 874 xeriqitajik e kojom che ri “taxis piratas”, rech xkisolij we man k’ot k’exom chi kech ri ch’ich’ ri’, rech maj jun winaq kakib’an k’ax chi kech pa taq nimab’e ri’.
Pa le unuk’ulem tzijol k’o pa le PNC, xq’alajin wi chi k’o 2 mil 044 chi wujil winaq are la’ pa ucholajil kitzijol kiwujil ri’, xuquje’ k’o 1 mil 801 chi uwujil ri e b’inisam chi ch’ich’ k’o pa saqil ri’, rech xilik we man k’ot e’eleq’am b’i. Eri b’anoj solinem ri’ are rech ya’ik uchuq’ab’ ri b’anoj k’ax xuquje’ rech pa jikom e chajim ri winaq ri’.
Eri q’atb’al tzij sib’alaj xkitoq’ij ub’ixik chi kech ri winaqilal rech we k’o ri k’ax kakilo kab’anik chakib’ij loq pa le 110 (PNC), pa le 1599 rech ri Departamento rech Tránsito ri’ xuquje’ pa le 1531 rech ri Centro Anticorrupción Policial, wexa’ k’o b’anoj kakilo kakik’ulmaj.