Ruk’ we ri b’anow chak ri’ kaya’ uchuq’ab’ ri q’ateb’al k’ax ri chajinem pa taq muqib’al kaminaqib’, pa taq nimab’e xuquje’ pa nik’aj chik k’olib’alil qas ke’opan wi pa taq le kiq’ij kaminaqib’ ri’.
Pa taq muqib’al kaminaqib’ rech taq tinamit ruk’ ri k’o ajchoq’e’il pa le nab’e xuquje’ ukab’ q’ij rech noviembre ri’ xnaj le rilik che kotz’i’j, pom, katela, ruk’ kiq’ej kib’isonik winaq xuquje’ ruk’ kib’anob’alil taq tinamit pa le kopanik e k’ilaj taq taq winaqil e’aj iximulew ri’ rech na’tib’al kiq’ij ri kachalalil e kaminaq b’i rech kakikojo’ kikotz’ij pa taq kimuqib’al pa we q’ij ri’.
Pa ronojel tinamit xetaq wi e k’ilaj taq ajchajinelab’ rech taq ri comisarías, ri unidades especializadas rech ri Wokajil Ajchajil Tinamit (PNC), rech taqim ub’anik pa jikomal kub’alil ri k’aslemalil ri’ xuquje’ rech pa joremal kek’oji ri winaqil pa taq ri nimaq’ij rech pa tyox, pa taq etz’anemb’al xuquje’ pa ub’anik ri nimaq’ij ri’ kumal taq ri winaqib’ pa Kiq’ij Taq ri Kaminaqib’ ri’.
Eri wokajil ajchajil tinamit kakib’an ri puqchajinem tzukunik chi rij taq kejach’ich’ xuquje’ pa taq ri ub’insaxik uwach taq ri chajinem pa kimuqib’al taq kaminaqib’, jeri’ chi rij taq rech uq’atexik taq b’anow k’ax. Xuquje’ e k’o nima’q raqan taq k’olib’al chajinem xkojik pa taq le cementerios General, zona 3 ri’; pa taq La Verbena, zona 7 ri’; pa taq Las Tapias, zona 18 ri’, xuquje’ chi la’ che ri qas kakiriqo wi kib’ ri winaqil chi la’ k’ut qas e chajital wiri’.
Xuquje’ k’o rachoch chajinem jeri’ chi rij pa taq ch’ich’ kojom ri’ pa taq nimab’e xuquje’ pa taq ri k’olib’alil, chi la’ k’ut eri ajchajinelab’ kakilo kiwujil kitzijol ri winaq rech kakilo wexa’ k’o taqom kichapik xuquje’ rech kakilo we keqam kiwujilal ri winaq. Jeri’ kesolila’xik le ch’ich’ rech kilik we keqam taq b’i awam jastaq xuquje’ kakilo we elaq’am ta b’i.
Molob’al ib’ kuk’ le winaq
Pa junamilal ri’ xkoj ri k’olib’al rech b’ixik q’ateb’al k’ax chi la’ k’ut eri ajchajinelab’ rech ri Subdirección General rech Q’ateb’al K’ax ri Makaj (SGPD) rech ri PNC, xkib’an k’ut k’ilaj taq retz’eb’exik b’anow tijonem xuquje’ etz’eb’enik kuk’ taq ri ala, ali, ri q’apojil ab’om alitom xuquje’ kuk’ ri nan tat rech kab’ix chi ke kakich’ob’ ub’anik b’iw ub’ixik loq ri k’ax kab’an chi ke xuquje’ ri kuya’o kub’al k’u’x chi ke ri wokajil ajchajil tinamit.
Xuquje’ tajin kajachik ri wuj k’o ub’ixik utzilaj taq tzij chi upam ruk’ ri rajilab’al ch’a’web’al rech uq’alajisaxik ri k’ax, xuquje’ rech utzijoxik k’iyal no’jib’al chi ke ri winaq kakik’ulmaj ri k’ax. Xuquje’ k’o ri taq alaj kiwachib’al alaj taq ak’alab’ katz’ib’axik, k’o ri xa’ kano’jisax che kaqiq’ rech kab’iloxik xuquje’ k’o le uwachib’al uwinaqilil a Lesh ri’, ri kuya ub’ixik utzilal chi ke ri alaj taq ala, ali, ri ab’om alitom, ri tajin kakesaj kachib’al ruk’.
Ub’antajil nimaq’ij
Eri wokajil ajchajinelab’ ri’ k’a xe’opanik pa le 127 Nimaq’ij rech Nimaq’ Taq Papolo’t, jawi’ xkimulij wib’ kib’ wiinaq rech we amaq’ tinamit xuquje’ ri winaq rech naj katinamit rech kaki’kotisaj kib’ che le rilik wa’ nima’q taq b’anom ruk’ utz ilomal tz’ib’anik ri kuk’ut rech le waral nim je’l b’anob’alil ri’ ri xb’an uk’utik pa le taq’aj rech retz’b’axik le tipow k’olaj rech Sumpango xuquje’ pa le nimalaj kamuqib’alil kaminaqib’ rech Santiago, Sacatepéquez ri’.
Pa le k’utb’al ri’ k’o jun nimalaj papolo’t sib’alaj wiqom kumal rajchajinelab’ ri Comisaría 74 rech ri PNC, rech kaya uq’inol ukajanik kiq’ijol k’aslemalib’ rajchajinel tinamit ri xkiya’ kik’aslemal rumal ri utzilaj patanem xkib’ano. Rumal k’u ri’ xya’taj jun nimalaj uq’ij na’tib’al ri’ rumal le Asociación de Barrileteros rech Santiago Sacatepéquez chi ke ri wokajil ajchajil tinamit rumal ri kib’ik pa we nimaq’ij reh kib’antajil.