Eri wokajil antinarcóticas rech ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) pa kemonchak tzukunem ri’ kuk’ ri fiscalía de narcoactividad del Ministerio Publico (MP), pawe q’ij kimik xkib’an ri tzukunem pa Petén ri’, che ri xkichap wi loq e wuqub’ chi winaqilal e’ajk’ayin awan kunb’al ri’.
Pa le jun tzukunem xb’an pa le barrio La Ermita, San Benito, Petén ri xchapataj wi loq ri jun hondureño Danilo “N” 48 ujunab’ ri’, are kab’ixik xriqitaj julajuj chi taq nitz’ k’olib’al ruk’ cocaína ri’ xuquje’ ruk’ 46 chi taq nitz’ k’olib’al ruk’ crack. Xuquje’ chi la’ pa tinamit ri’ pa le barrio El Porvenir, San Benito, xchap wi loq a Ricardo “N”, 34 ujunab’. Pa le nimaja xriqitaj wi kajib’ k’olib’al rachib’al ware ruk’ cocaínba xuquje’ ruk’ b’elejeb’ chi taq nitz’ k’olib’al ruk’ crack. Jeri’ pa le colonia Itza, San Benito xchapataj wi a Edwin “N”, 24 ujunab’, ri xriqitaj 46 nitz’ k’olib’al ruk’ crack ri’, julajuj chi taq k’olib’al ware rachib’al ruk’ cocaína xuquje’ ruk’ waqxaqib’ chi nitz’ k’olib’al ruk’ ri awan kunb’al ri’. Xuquje’ xchapataj loq a Marco “N”, 41 ujunab’ ri’, are kab’ixik xutukuj ub’anik k’ax xuquje’ xe’utaqchi’j tikow awan kunb’al chi ke winaq ri’, rumal ri’ xtaq uchapik rumal ri q’atb’al tzij rech Petén.
Pa jun chik tzukunem xb’an pa le 6a. avenida xuquje’ 1 calle, zona 2 rech Santa Elena, Petén ri’ ri xechap wi loq a Edy “N”, 36 ujunab’ xuquje’ a Antonio “N”, 32 ujunab’, ruk’ xriqitaj waqib’ k’olib’al rachib’al ware ruk’ cocaína ri, kajib’ nitz’ taq k’olib’al ruk’ ri awan kunb’al ri’ xuquje’ ruk’ Q.2,500 chi pwaqil b’otolik. Pa jun chik tzukunem ri’ rech pa tinamit ri’ xchap wi loq al Delia “N”, 47 ujunab’, are kab’ixik xriqitajik 51 nitz’ k’oilib’alil ruk’ crack ri’ xuquje’ kajib’ k’olib’al ruk’ cocaína ri’.
Eri Ministerio rech Gobernación, sib’alaj xuya ub’ixik che ri uchak ri’ are rech kuq’atij ri k’ayin awan kunb’al kuk’ ri molaj b’anol k’ax ri’, xub’ij k’ut che ri puqtzukunem ri’ are la’ uwach ri b’anon ya’olchajiem pa amaq’el katajin pa rulewal amaq’ tinamit ri’.