Eri wokaj e’ajchajinelab’ rech ri Departamento rech Tránsito rech ri Wokajil Ajchajin Tinamit (DT-PNC) pawe q’ij 11 rech marzo ri’ xkib’an k’ilaj puqtzukunem kaq’atexik nik’aj taxis piratas ri’, xuquje’ xkib’an usolixik kitzijol taq ri e’ajb’insal kejach’ich’ xuquje’ b’insal ch’ich’ xquuje’ ruk’ taq ri nimach’ich’ rech ereb’al winaq pa tinamit pa le uk’u’x nimatinamit rech Iximulew ri’; pa San Luis Jilotepeque, Jalapa ri’; jeri’ pa le kilómetro 58 nimab’e ruta CA-9 Norte, pa El Progreso xuquje’ pa le kilómetro 175 nimab’e ruta CA-1 Occidente ri’, pa Chuwimeq’ina’.
Pa le nik’aj k’olib’alil ri’ xtaq wi ukojik uk’olib’alil chajinem tzukunik rech xb’an wi le kitzijol ri winaqilal rech xkilo wexa’ k’o taqom chi ke, jeri’ rech xkilo we keqam ri kiwujilal rech kewa’katik. Xuquje’ xkib’an le tzukunik pa taq le ch’ich’ e b’insam rech kakub’isax le rilik wexa’ k’o ri e’eleq’am b’i xuquje’ rech kakilo we man k’ot awan jastaq keqam b’i.
Xuquje’ xkib’an le rilik kitzijolil ri e’ajb’insal ch’ich’ rech kakilo we kinimam utzij ri retal taq k’utb’e, rech we kakirumumij ta kib’, xuquje’ xkib’an le kilik ri winaqil e b’enaq chi rij taq ri kejach’ich’ we utz kakojom ri tob’ab’al kib’.
Pa le b’anoj chajinem q’ateb’al ri’ k’o jun ajkejach’ich’ reqam k’aqb’al q’aq’ xchapataj loq. Are chi’ xchapik, xk’am b’i pa q’atb’al tzij chi rij ri k’ax xub’ano rech kachomaxik.
Eri b’anob’alil ri’ are la’ xb’an pa le kilómetro 14 xuquje’ pa le calzada Roosevelt, pa le calzada Mateo Flores xuqwuje’ pa le 35 avenida, zona 7 ri’ xuquje’ pa nik’aj chik k’olib’alib’alil rech xq’atexik ri b’anoj taq k’ax, rech xkub’isax kachajixik ri wianqilal xuquje’ rech xya uchuq’ab’ ri b’anow chajinem pa taq le wokja che ri qas kak’ulmataj wi ri k’ax.
Eri taqanel rech ri Comisaría 14, a Gonzalo Calderón xuya utzijol che ri puqtzukunem k’a te’et xb’anik pa taq le nimab’e ri’ rech uq’atexik taq ri b’anoj k’ax xuquje’ rech kachajixik ri winaqilal ri’.
Eri taqanel rech ri Comisaría 16 ri’, eri a Edgar Milian, sib’alaj xub’ij che ri kab’an le rilik kitzijol ri winaqilal xuquje’ katzukux pa taq le b’insal ch’ich’ rech uq’atexik taq ri awan jastaq, ruk’ taq ri k’aqb’al q’aq’ ri’.
Eri qas utaqim ub’anik pa taq le puqtzukunem chajinik are rech kaq’atexik kachuq’ab’il ri nik’aj molaj b’anol k’ax, rech kak’oji ri ucholalejil taqanem pa tinamit, xuquje’ rech kaq’atexik taq ri b’anoj k’axk’olil pa rulewal amaq’ tinamit aj iximulew. Xuquje’ rech kaya uchuq’ab’ ri kub’al kik’u’x ri winaqilal chi ke ri e’ajchajin tinamit, xuquje’ rech kak’amansaxik chi ke ri winaqilal we k’o ri k’ax kakilo ri’ rech kakib’ij loq pa le 110 rech ri PNC.