E (42 mil) chi reqa’lenelab’ ri Wokajil Ajchajil Tinamit (PNC) ri ketajin che b’anoj chajinem winaqil xuquje’ rech q’atenem, q’alanik b’anoj k’ax pa rulewal qatinamit, rech kakub’isax ub’anik kachajixik ri winaqil pa kik’aslemal xuquje’ pa le uq’ij rech katojik ri Bono 14 ri’. Eri b’anoj chajinem ri’ are la’ katajin ub’anik pa le uq’ijol ri Cholchak Chajinem taqom ub’anik rumal ri K’amal B’e Iximulew ri’ pa le uchakunik ri Ministerio rech Gobernación (Mingob).
Rumal ri’ eri e ajchajil tinamit sib’alaj kewa’katik che b’anoj ya’olchajinem ri’, jeri’ chi rij ri kejach’ich’, xuquje’ k’o kojom k’olib’al chajinem pa chi rij taq ri agencias bancarias k’ome’r, pa kitak’alib’al ri ch’ihc’, pa taq k’ayib’al xuquje’ pa nik’aj chik k’olib’em che ri keriqitaj wi k’iyalaj winaqilal ri’.
Xuquje’ kojom k’olib’al ya’olchajinem ri’ xuquje’ rech kesolix ri ch’ich’ pa taq nimab’e, pa avenidas xuquje’ pa calles rech pa tinamit, rech kesolix ri winaqil rech ke’ilik we man k’ot taqom kichapik ri’ xuquje’ rech we man k’ot awan jastaq keqam b’i. Xuquje’ rech kakisolij ri ch’ich’, kejach’ich’, alaj ch’ich’ rech erelwinaq, ch’ich’ kakik’am b’i winaq xuquje’ alilaj taq ch’ich’ ri’ rech ke’ilik we man e eleq’am ta b’i ri’.
Kiq’alik ri winaq ri’
Are wa’ uwach ri ya’ltzijolil ub’i’ “Protege tu Bono 14”, rumal ri’ eri wokajil ajchajil tinamit xkib’an k’i taq q’atenik ri’ rech xkitaqi kiq’alik ri winaqilal chi rij utz ukojik usachik ri kipwaq korte’l kakib’an ri’ rech xaq taq kakeqaj ri’ rech maj jun keleq’ax ri pwaq kuk’ ri’ rumal k’ut are la’ jun nim tob’anik ya’tal chi ke ri’.
Xuquje’ xkijach ri wujtzijolil rech q’alanem pixab’nik chi ke ri winaqilal rech rajwaxik kakil kib’ ri’, rech kakititz’o ta kib’ are chi’ keb’e che resaxik ri kipwaq korte’l ri’ rech kakeqaj taj chom pwaq ri’ xuquje’ are utz we kakikojo tarjetas rech crédito xuquje’ rech débito are chi’ keb’e pa loq’oj.