Eri PNC tajin ke’utijoj ri ajtijoxel rech rachoch taq tijob’al chi rij reta’maxik ri b’anoj wa’katib’al xuquje’ ri kupatanij pa qatinamit.

Eri La División rech Seguridad Turística uq’ab’ ri Wokajil Ajchajil Tinamit (PNC) tajin che upatanexik ri Cholchak rech Q’alanem Q’atenik ri K’ax, eri Disetur 2023 ri’, are utaqim ub’anik rech kukub’isaj kik’u’x kanima’ ri e ajtijoxel ri’, rech kub’sib’al kakilo are chi’ kemolin ri ajchajin tinamit kuk’ ri winaqil pa tinamit; ruk’ wa’ kuwa’lijsax uwach ri uk’amik pa ucholalejil ri jamalil k’olib’al k’o pa taq tinamit, xuquje’ rech kab’an ya’olchajinem chi kech ri winaqil ri’.

“Eri wiymam kajib’ ujunab’ are chi’ kerilo ri reqa’lenel ri PNC, kub’ij chuwe eri wachi’l e b’enaq le’, rumal ri’ utz kek’oji ri ajchajinelab’ kuk’ ri winaqil pa tinamit”.

Xcha’ ri al Hugo Flores

Ri nan ri’ aj chi la’ Jocotenango ri’

Are uwach ri cholchak patan, eri ajchajin tinamit ri’ kakib’an ri tzijob’elil chi ke ri ajtijoxel ri’, chi kech ri wa’katelab’ xuquje’ chi kech ri winaqilal chi rij taq uwachtzijonem rech q’alanem q’atenik b’anoj ri k’ax chi ke ri winaqil e wa’katel ri’, ri ke’opan pa taq ri k’olib’alil uxulanib’al kakaj ke’opan wiri’. Xuquje’ katzijox chi kech ri kupatanij ri rachoch b’anob’alil chak jastaqil ri tzoqopil uwach ri’ rech kakojik ri pwaqme’r korte’l rech yakon ib’, rech kechajixik ri keb’e wiri’, xuquje’ rech kachajix ri chikop awajib’ xuquje’ ri k’ache’laj rech maj jun kub’an k’ax chi kech ri’.

B’ano’n q’alanik rech q’atenik k’ax

Pa le uwach wuqq’ij ri’, eri reqa’lenel ri Disetur xkichakuj uwach ri jun cholchak tijonik chi kech ajtijoxel rech nab’e q’attijonem, rech ukab’ q’attijonem xuquje’ rech urox q’attijonem rech Jocotenango, Sacatepéquez. We cholchak r’ are kuwa’lijsaj uk’utik reta’maxik taqkil kumal ri wokaj ajtijoxel rech ketob’anik pa le moloj ib’ xuquje’ rech kakichb’ilaj ri e wa’katelab’ pa taq le k’olib’al uxulanib’al wa’katib’el rech rulewal qatinamit.

Eri Claudia Lorena Fuentes Rosales, ajtijonel rech rachoch tijob’al ub’i’ Escuela Oficial Urbana Mixta Dr. Víctor Manuel Asturias Castañeda, xub’ij che ki’kotem kurilo tajin ub’anik ri b’ano’n tijonem kumal ri ajchajin tinamit chi kech ri e ajtijoxel pa nim b’anoj utzilem retz’eb’exik eta’manik, rech k’o k’i kaketa’maj chi rij no’jb’antajil no’jib’al, rech taq tzijil xuquje’ chi rij taq k’olib’al uxulanib’alil wa’katib’al. “Rech ketijon chi rij ub’anikil taq tzijolil chi kech ri ak’alab’xuquje’ e q’apojil, rech are kub’an chi kech kakich’ob’ kaketa’maj jun utzalaj tijonem ri’ chi rij k’olib’al uxulanib’al wa’katib’al are chi’ keb’e pa taq uq’ab’ tinamti xuquje’ pa taq tinamit”, xcha’.

“Sib’alaj kinki’kotik rumal kinuwilo eri Policía rech Turismo kicha’om ri rachoch tijob’al, rech kakipatanij wecholchak rech kakib’an tijonik nimab’al Tzij ri k’o upatan chi kech ri ak’alab’”.

Kicha’ al Claudia Fuentes

Ajtijonel rech urox nab’e q’attijonem

Eri kakib’ij ri winaq ri’, eri cholchak tajin kumal ri Ajchajin Tinamit rech Turismo pa rachoch taq tijob’al ri’ are k’o nimalaj upatanib’al pa le katijoxik xuquje’ keta’manik”. “Are sib’alaj utz chi kech ri qalk’uwal rech kek’oji pa le b’anoj utz taq eta’manem, reta’maxik utz taq taqkil rech kakikoj pa kik’aslemal, are wa’ keresaj pa kaq’ab’ ri nik’aj molaj b’anol k’ax”, xcha’ ri Hugo Leonel Rosales, tat na ri’.

Ri chajinem winaqilal

Eri b’anoj ub’e’al ri chajinem xuquje’ ri cholchak rech puqchajinem tzukunik kumal ri wokaj ajchajin tinamit keriqitaj pa le kajlajuj jachakub’al rech ri Disetur, are kub’an jun utzilaj chajinem, rech utz uq’atexik taq ri jastaq maj pa usaqil, rech uq’atexik taq ri b’anoj kamisanik, rech kakak’amsax b’iw ub’ixik kumal ri winaqil, jeri’ rech utz kachajixik ri winaqil e wa’katel ri’.

Rumal ri’ eri Flor Canto, aj Panamá ri’ xub’ij che ri chajinem kumal ri ajchajinelab’ pa taq k’olib’al uxulanib’al rech pa tinamit, are la’ sib’alaj kukub’isaj kik’u’x ri wa’katelab’ pa le kiwa’katik pa le ilow uwach ujastaqil umeb’ilem qatinamit.

Chi rij wari’, eri winaq xe’opan pa le aldea rech San Felipe de Jesús, La Antigua Guatemala, Sacatepéquez ri’, xkib’ij che kub’sib’al k’u’x kanina’ ri’ rumal kakilo e k’o ri ajchajil tinamit pa kachajixik ri winaqil e wa’katel chi’.

E juq’o’ lajk’al (600)

Chi ajtijoxel ketijox na ri’

Rumal ri programa rech ri Disetur.