Eri Ministro rech Gobernación xuquje’ ri Viceministro rech Seguridad xek’oji paq’ij kamik pa Nahualá, Sololá ri’, rech xkichomaj chi kuwach kakesaj ri q’ateb’al kib’anom pa nimab’e Interamericana. Are jun xk’oji ri Gobernador Departamental xuquje’ ri Director Ejecutivo rech ri Comisión Presidencial rech Ch’uch’ulem Chomanik Joremal xuquje’ rech ri Derechos Humanos (Copadeh) ri’.
Eri komon chomanel xe’opan ri’ xkaj xkimol kib’ ruk’ ri ajkalte rech Nahualá xuquje’ kuk’ ri e k’amal kib’e winaqilal rech xkichomaj uwach ri tajin uta’ik kumal ri tinamit.
Pa le riqb’al ri’ man xopan ta chi’ ri ajkalte, pane’ b’a’ xopan taj eri q’atb’al Tzij xechoman chi’ pa ch’aweb’al xetzijon wi ruk’ ri ajkalte ri’, xub’ij k’ut che karaj ri are kab’an utzijoxik ri’. Wari’ are tajin ub’anik ub’ixik rumal ri K’amal B’e Amaq’, ech kachomax uq’atexik ri cha’ojinik pa tinamit ri’.
Eri Ministro xub’ij che ri ch’a’ojinem chi’ k’i junab’ chik tajin ri’, rumal ri’ rajwaxik kachomaxik rech kaq’atexik, man xaq ta ri’ rumal ri Taqawokajil rech ri Ya’olchajinem pa Amaq’. Xuquje’ rajwaxik kek’oj nik’aj chik puqil wokajilal ri’, jacha ri Ministerio Público (MP), ri Organismo Judicial (OJ) xuquje’ ri Procuraduría rech ri Derechos Humanos (PDH), ri Rajpatanel are jun xk’oji pa tinamit ri’.
“Eri uj kujriqitaj chi’ rumal xujk’isik’ij ri q’atb’al Tzij ruk’ ri tinamit rech Nahualá, Sololá, rech qastzij b’a’ kaqaj uj kaqachomaj wa’, we kujriqitaj chi’ man rech taq kaqaj tane’ xa’ kunimar b’i uwach ri jun ch’a’ojinem ri’ are k’ut kaqaj uj are kak’oji uwach ri joremal chi’”, xcha’ ri Taqawokajnem rech Gobernación ri’.
Eri Ministro xub’ij che ri q’atenem chi’, are b’a’ kesax kumal ri winaqil chi’ rech kakinimaj b’a’ uwach che ya’talil tzoqopital kib’e rech kewa’kat ri winaqilal chi’.