Eri k’amal b’e ruk’ ri alkayde rech ri Centro rech Detención Mariscal Zavala xchap ri’ e’are kab’ixik chi k’o nim kimak xkib’an pa japache’ ri’, are chi’ xek’oji che ajk’amal b’e rech le Japache’ Sib’alaj Chajim kech Achijab’ Fraijanes II, k’o pa Fraijanes, Iximulew ri’.
Are ri’ a Fausto “N”, 44 ujunab’, xchap pa le japache’ Mariscal Zavala, xuquje’ eri chik ub’i’ a Edgardo “N”, 51 ujunab’, xchap pa Atescatempa, Jutiapa ri’, are kab’ixik xya chi re rech xub’an keb’ nimaq’ij pa japache’ rech Fraijanes II, pa taq le 18 rech febrero rech 2024 xuquje’ pa 17 rech febrero rech 2025. Eri nik’aj keb’ k’amal b’e e’ajtaqanel ri’ xkinimaj kitzij nik’aj e’ajpache’ ri’ rech xkikoj wa’/rikil, kuk’ mariachis xuquje’ winaq e’ajch’ab’inel pa japache’ pa taq ri chaq’ab’, xuquje’ xkib’an nik’aj chik utzilem chi ke nik’aj pandilleros ri’ e’ajxib’ib’anel rech ri Barrio 18.
Eri kichapik nik’aj winaq ri’ are uwach taq pa le b’anik kicha’ik b’i kechatajik ri e’utz chi ke pa saqab’isan uwach ub’anikil le Wokajil Ajchajin Tinamit (SP). Eri e keb’ winaq e’ajmak ri’ e’are kab’ixik xek’am b’i pa taq q’atb’al tzij chi ri b’anoj k’ax kab’ixik xkib’ano rumal ri’ kechomaxik. Rumal ri’ sib’alaj xetzukuxik kumal reqa’lenelab’ tzukunem rech ri División Especializada rech Investigación Criminal (DEIC) ri’ uq’ab’il ri Wokajil Ajchajin Tinamit ri’ (PNC), pa kemonchak kuk’ ri reqa’lenelab’ ri Fiscalía rech Uq’atexik ri B’anoj K’ax Toq’inik Pwaq rech ri Ministerio Público (MP) ri’.