Pa 30 rech octubre ri’, eri Unidad rech ri Prevención Comunitaria rech ri K’axk’olil (UPCV) rech ri Ministerio rech Gobernación (Mingob), ruk’ ri katob’anik ri unidades rech reinserciíb social, xkib’an ujitik ri jastaq b’anom kumal ri e tz’apil pa japache’ rech kak’ayixik.

Eri b’anonem ri’ are la’ xb’an chi uwach ri rachoch ri Mingob, k’o pa uwi le la 6ª. avenida 13-71, zona 1 rech uk’u’x nimatinamit, rech xtaqixik ujitik ri jastaq chakum kumal ri e tz’apil pa japache’ are la’ tajin kakijito rech kakich’ak kirajil rech kakitzuqu ri kachalal pa kachoch.

Pa ke k’ayinem ri’ are xopanik ri Ministro rech Gobernación, Byron René Bor Illescas xuquje’ ri  Quinta Viceministra rech Antinarcóticos, Dana Barillas, ri xkich’ob’ junam kek’oji pa k’ayinik ri’.

Eri wokajilal xe’opan ri’ are ri’ ri Dirección General rech ri Sistema Penitenciario (DGSP), ri Casa Intermedia rech ri Secretaría rech Bienestar Social rech ri Presidencia (SBS), ri Casa Hogar Zafiro xuquje’ ri Nuevo Modelo rech Gestión Penitenciaria (NMGP), ri xkikoj k’olib’al ri xkik’ayij wi jastaq rech katijik, ri chachal rech kakikoj che kaq’ab’ winaq, ri ab’, ri k’olib’al kachiyixik, ri k’olib’al pwaq, kantela k’ok’ uxlab’, chakach rech atz’iyaqb’al, k’olib’al set pwaq, k’olib’al kaxlanwa xuquje’ ri kaxa.

Eri b’anoj k’ayib’al jastaq ri’ are la’ katajinik rech taqim kato’ik ri winaqil e tz’a’pilik rech kakich’ob’ b’anoj chak, rech are utz chi ke are chi’ ketzalij pa kachoch.