Rech kaya uchuq’ab’ ri ya’olchajinem pa nimab’e ri’ xuquje’ rech kechajixik ri e’ajkejach’ich’ kuk’ ri kachi’l kakik’am b’i chi kij ri’, le Departamento rech Tránsito rech ri Wokajil Ajchajin Tinamit (DT-PNC) xumaj ub’anik le ya’ltzijolil ub’i’ “Protege Tu Vida Utiliza Casco”. Le ya’oltzijol ri’ are kutaqij kapixb’exik ri e’ajk’ejach’ich’ rech sib’alaj rajawaxik kakikoj ri tob’al kajolom rech we ketzaq tane’ ketech’taj taj, kesakataj taj, rech kub’al kub’al k’u’x keb’in pa le nimab’e pa rulewal nimatinamit.
Le ajtaqol rech ri DT-PNC, David de la Paz, pa tzijob’el sib’alaj xub’ij, pa le 17 rech marzo k’a pa le 16 rech abril ri’, kab’an ri’ k’i taq puqchajinem pa kachoch taq tijob’al chi kech e’ajtijoxel ri’ xuquje’ rech pixb’enik q’alan ib’ are chi’ keb’in le e’ajkejach’ich’ pa nimab’e. Xuquje’ eri la Paz xub’ij che are wa’ kab’anik ruk’ le utob’anik le Grupo UMA, k’o ri tob’al kajolom kajachik ri e’ajb’inisal ch’ich’ ri’ xuquje’ rech kilik we keqam ri kuwujilal xuquje’ rech kakikoj ta chik tob’al kajolom ri jarinaq chik.
Rumal ri’ le rajchomanel ri Grup UMA, Juan Manuel Muóz, sib’alaj xub’ij eri katob’anik ri wokajil poq’san chak meb’il xuquje’ ri utob’anik ri DT-PNC, are k’o nim upatanib’al pa le ub’anik ri ya’oltzijolinem ri’, xuquje’ rech b’anik juntir ri ya’olchajinem, jeri’ chi kech ri e’ajb’inisal kejach’ich’ ri kachi’lam b’i.
Pa le b’anoj puqchajinem ri’ are kab’an pa taq ri k’olib’em ri’ pa le Bajada de las Cañas ri’, pa Santa Lucía Milpas Altas ri’; pa Autopista Los Altos, Xe’laju’ ri’; pa Ruta Cito Zarco ri’, pa Retalhuleu ri’; pa Puerto Quetzal, Escuintla ri’, pa kilómetro 33, Sanarate, El Progreso ri’; pa Metroplaza, Jutiapa ri’; xuquje’ pa Pueblo Nuevo Viñas, Santa Rosa ri’.
Pa le b’anoj puqchajinem ri’, eri wokajil ajchajin tinamit rech taq nimab’e xkib’an le rilik kuwujil le e’ajkejach’ch’ we keqam, rech kakilo we k’o taqom kachapik ri’, xuquje’ we kakinimaj ri k’o pa le Taqanem rech Tránsito ri’. Xuquje’ puqchajinem rech kaq’alik el winaq ri’ rech pa jikomal kewa’kat pa taq nimab’e, rech pa utzilem b’a’ kakib’inisaj ri kach’ich’ ri’.