Rech b’a’ xq’atexik ri tiko’n rech awan kunb’al, rech uq’atexik ri awan kunb’al pa amaq’ tinamit, eri Wokajil Ajchajin Tinamit (PNC) pa reqale’n ri Subdirección General rech Análisis e Información Antinarcótica (SGAIA), sib’alaj xkiq’atij pa keb’ mul nik’aj molaj rech narcotráfico pa amaq’ tinamit,xekowon k’ut che uriqik che uporoxik nima’q taq peraj chi tiko’n rech marihuana xuquje’ rech coca pa rulewal taq tinamit rech San Marcos xuquje’ Petén ri’.
Pa jun puqchajinem tzukunik xb’an pa jun caserío Agua Caliente, Sipacapa, San Marcos, eri wokaji ajchajinelab’ e’antinarcóticas xkiq’atij uwach xuquje’ xkiporoj uwach pa ronojel 3,725 chi raqan ichaj tiko’n rech marihuana ri’. Eri ub’ixikil rumal ri SGAIA, eri rajil ri awan tiko’n rech kunb’alil eri rajil are xopan b’a’ pa Q.1 millón 396,875 chi paqil rajil ri’. Ruk’ wari’ are jun nim qatinem xb’an ri e’ajtikon awan kunb’al ri’
Eri kichak ri eqa’lenelab’ rech antinarcótica xopan kajipixik pa jun nim k’ache’laj rech Poptún, Petén ri’, chi la’ k’ut eri reqa’lenel ri SGAIA xkiriqo xkiporoj jun chik nim peraj tiko’n rech coca, Pa le b’anoj tzukunem ri’, k’o 10,200 raqan ichaj tiko’n rech cosa, eri rajil ri xriqik k’o Q.102 mil pwaqil ri’. Eri riqonem ri’. Eri tiko’n awan kunb’al rech cocaína xaq katajin tikomri’ pa rulewal taq k’olib’al k’o amaq’ tinamit.
Eri Ministro rech Gobernación, Marco Antonio Villeda, sib’alaj xuya ub’ixik ucholaj chi k’o nim upatanib’al ri kemonchak katajin rumal ri Wokom K’amal B’e rech Iximulew rech kakub’isax uwach ri b’anoj ya’olchajinem winaqil ri’.
Eri Ministerio rech Gobernación sib’alaj xub’ij ri’ che ri reqale’n kichak ri’ are la’ kakiterne’j ub’anik ri’, pa kemonchak pa taqawokajil xuquje’ pa saqilem tzij ri’ pa le b’anik ri ya’olchajinem ri utzilal chi ke ri winaqil pa tinamit.