Eri ajtij e’ajeta’manelab’ ketajin che tijonem rech kachomax uq’atexik ri yoq’ow itzelanik pa taq kichak le ajchakunelab’ rech ri Ministerio rech Gobernación (Mingob) ruk’ taq uq’ab’ilal. Kanab’ejsax ub’anik uq’atexik ri k’ax ri’ xuquje’ are kachomax pa le Taqawokajnem rech Ya’olchajinem pa Amaq’.

Pa le tijonem rech pa junab’ ri’ xjach wi le kichakub’al ri ajchakib’ rech q’atenik k’ax, rech kakitzukuj utzijol ri k’ax k’ulmam, jeri’ rech kab’an kachomaxik ri winaq kiriqom k’ax ri’ xuquje’ rech keqaj pa q’atow tzij chi kij ri winaq kakib’an k’ax itzelanik pa le kechakun wiri’.

Xuquje’ are kub’an upatan rech ub’anik ri k’ak’ taqanem tzij kuk’ taq ri rajchak le Taqawokajnem Ya’olchajinem pa Amaq’. Eri uq’ijol b’anow tijonem ri’ are kab’an pa taq le q’ij 28 xuquje’ 29 rech abril, jeri’ pa le 5 xuquje’ 6 rech mayo, pa le wokom rachoch le Cámara rech Comercio rech Iximulew ri’.

Eri b’anow taq tijonem ri’ rumal le Unidad rech Genero rech le Viceministerio rech  Prevención rech ri Violencia xuquje’ ri Delito ri’ eri kitaqim ub’anik ri’ are ri k’olemal pa taq kechakun wi ri e’ajchakib’ xuquje’ rech kak’amsax chi ke we k’o ri k’ax kakilo kab’anik, rech chakib’ij loq pa aninaqil.