Eri e’ajpatanel rech taq jalajoj taqawokajil rech ri Wokom Amaq’ xemolinik pa jun riqb’al ib’ rech choman reqale’nchak rech uterne’xik ri ya’ik uchuq’ab’ ri b’anoj tzijob’elil ri’ pa kemonchak kumal wokajilal, jeri’ rech b’anik ri chajinem pa taq ri wokja cho taq ri k’ulb’a’til rech ri rulewal tinamit. 

Eri viceministro rech Antinarcóticos, Víctor Cruz, ri xumaj ub’anik ri riqon ib’ chomanem, sib’alaj xub’ij che ri chak pa taqawokajilal are rech kesax kachuq’ab’ ri nuk’molaj b’anol k’ax pa taq nimaq’ib’ nimatinamit. Xuquje’ sib’alaj xub’ij, che katajin ya’ik uchuq’ab’ ri kemonchak pa taqawokajil rech kaya uchuq’ab’ ri tzijob’elil chi kiwach taq ri taqwokajil rech uq’atexik ri b’anoj k’ax ri’. 

Rumal ri’, eri taqawokajnel rech ri Superintendencia rech Administración Tributaria (SAT), Werner Ovalle ri’, sib’alaj xub’ij chi k’o nim upatanib’al ub’anik ri tzijob’elil xuquje’ ri kemon cholchajinem rech uq’atexik ri b’anoj taq k’ax pa taq ri k’ulb’a’til rech ri rulewal amaq’ tinamit aj ximulew. 

Pa le riqon ib’ ri’, eri q’atb’al tzij xuquje’ xkichomaj chi kiwach rech kakib’an ri kemonchak ri’ rech uq’atexik ri b’anoj k’ax kumal winaqil che ri e k’o ruk’ ri narcotráfico ri’, ri ch’ijom k’axchak, ri awan k’ayin jastaq, xuquje’ ruk’ nik’aj chi b’anoj k’ax ri’. .

Xuquje’ sib’alaj xkitunu kiq’ab’ rech uterne’xik ri kemonchak kumal pa le ya’ik uchuq’ab’ ri b’anoj taq puqtzukunem, chajinem rech uq’atexik ri elaq’nik chi rij taq jastaq rech kak’ayixik pa taq ri aduanas, pa taq awan b’e q’axenik, xuquje’ pa taq ri k’ulb’a’t juyub’ rech ri amaq’ tinamit ri’.