Eri b’anoj uq’atexik ri narcotráfico ri’ k’o ri katajin che uq’atexik ri’. Eri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit, pa k’amq’ab’ tzij tob’anem ruk’ ri Ministerio rech ri Defensa Nacional, xya’taj utzijol ri kariqitaj wi xuquje’ ri kaqupix wi ri tiko’nib’al rech marihuana pa le rulewal tinamit rech Petén ri’.
Eri puqtzukunem xb’an pa taq ri k’ache’laj rech ri caserío El Rondón, pa le rulewal ri tinamit rech Melchor de Mencos, chi la’ k’ut xporox wi 22,500 chi raqan tiko’n rech marihuana ri’.
Jacha ri rajilab’al ya’om utzijol kumal taq ri q’atb’al tzij, eri tiko’n awan kunb’al ri’ porom eri rajil are rech Q11,250,000.00 ri’, junam ruk’ ri $1,442,307.69 chi pwaqilem ri’. Eri b’anoj q’ateb’al ri’ are la’ uwach ri ub’anob’alil pa k’amq’ab’ tzij wokajilal rech uq’atexik taq ri k’ayin awan kunb’sal ri’ xuquje’ pa le ya’ik uchuq’ab’ ri chajinem pa rulewal qatinamit. Chi la’ k’ut xjach wi kuwach ri eqa’lenelab’ rech q’atoj tzij rech kakiterne’j ub’anik taq ri tzukunem ri’.
K’o nik’aj chik xriqitajik
Iwir xya’taj utzijol xriqitajik 35,232 chi raqan ichaj tiko’n rech marihuana pa le caserío Ixcoch, Las Cruces, Petén ri’, eri puqtzukunem ri’ are la’ xb’antaj pa kemon chakunem ri’. Eri tiko’nib’alil ri awan kunb’al eri rajil kab’axik are Q17,616,000 ($2,258,461.54) xuquje’ are xporox ri’ jacha ub’im kumal taq ri q’atb’al tzij ri’, uwach taq ri b’anoj uq’atexik taq ri k’ayin awan jastaq kunb’al ri’.