Rech kaq’atexik ri contrabando, ri narcotráfico ruk’ nik’aj chik b’anoj k’ax pa k’ulb’a’t juyub’ pa tinamit, eri wokajil ajchajil tinamit pa amaq’el kakib’an ri chajinem q’atenik pa le rulewal ri tinamit Ayutla, San Marcos ri’. Chi la’ k’ut eri reqa’lenel ri comisarías kuk’ ri unidades especializadas rech ri Wokajil Ajchajil Tinamit (PNC), ruk’ katob’anik ri Unidad Aérea rech ri Ministerio rech Gobernación (Mingob).

Eri Ministro rech Gobernación, David Napoleón Barrientos Girón ri’ xuya’ utzijol ub’ixik ri upatanib’al ri komon chajinem tajin ub’anik, kuk’ ri e sak’ajil chajinem xuquje’ kuk’ ri rech tzukno’jchak pa taq le k’ulb’a’t juyub’ pa amaq’il. “Eri b’anoj chajinem tzukuknik kumal  ri wokaj ajchajil tinamit are la’ jun b’anon chajinem winaqil ri’ rech uq’atexik taq ri b’anoj k’ax pa tinamit ri’”, xcha’.

Xuquje’ eri taqawokajnel ri’ xub’ij k’ut eri Unagob tajin kachajin pa kaqiq’ ri’ ruk’ ri e ajchajil tinamit che ri kakib’an ri chajinem chi rij taq ri kejach’ich’, rech kechajin che kaqan pa ri k’ax okem pa le k’olib’alil ri’. “Ruk’ kikojik e k’i ajchajinela ri’ are rech kaq’atexik ri narcotráfico xuquje’ ri contrabando chi la’ k’ut”, xcha’.

Ri chajinem xb’an ri’
Pa le b’anon tzukunem ri’, eri e ajchajil tinamit xkita kitzijol ri winaqib’ rech xkilo we man k’ot taqom kichapik xuquje’ rech xkilo we k’o kiwujil ri winaq e ajq’axel pa tinamit ri’. Xuquje’ k’o chakub’al tecnológico xkoj che usolixik ri kich’ich’ ri winaq ri’, ri ch’ich’ rech ereb’al winaq xuquje’ xkisolij ri jastaq rech k’ayij we k’o uwujilal rech k’amom b’i q’axim b’i pa tinamit ri’.

Eri K’amal B’e rech Iximulew pa le uchakunik ri Taqawokajnem rech ri Ya’olchajinem pa Amaq’ xub’iij eri chak ri’ are katerne’x ub’anik ri’ rech uq’atexik ri nuk’wokaj b’anol k’ax pa k’ulb’a’t juyub’ pa amaq’il tinamit, rech kajikib’ax uwach ri b’anon taqanem, ri kub’al k’u’x chajinem winaqil pa tinamit.