Sib’alaj terne’m ri puqtzukunem ri’ rech uq’atuxik ri b’anow k’ax ri’ xuquje’ rech kaya nim uchuq’ab’ ri b’anow chajinem pa rulewal amaq’ tinamit. Rumal ri’ pa viernes 10 rech abril ri’, eri reqa’lenelab’ ri comisarías xuquje’ unidades especializadas rech ri Wokajil Ajchajin Tinamit (PNC) xkib’an k’ilaj puqtzukunem pa le uk’u’x nimatinamit Iximulew ri’. Eri puqtzukunem rech b’anow chajinem ri’ pa taq ri k’olib’alil rech taq zonas 3, 4, 5, 7, 9, 10 ri’. Eri puqtzukunem ri’ are la’ opaninaq ub’anik k’a pa taq k’olib’alil rech ri uk’u’x nimatinamit.
Eri wokajil ajchajin tinamit pa taq k’olib’al chajinem xuquje’ ketajin che ub’insaxik ri chajinik ri’ pa taq ri n imab’e xuquje’ pa taq ri k’olib’alil che ri keriqitaj wi k’ilaj taq winaq rech kakilo we keqam kiwujilal rech kakilo wexa’ k’o taqom ri kachapik ri’. Xuquje’ rech kakilo wexa’ e kojom ta ri e b’insam ch’ich’ pa b’anow taq k’ax ri’ xuquje’ rech kilik wexa’ k’o e’elaq’am chi ke.
Eri al Jania López, oficial segundo rech Chajin Tinamit, ajilonel b’anik ri jun puqtzukunem pa zona 5 rech uk’u’x nimatinamit, xuya ub’ixik che ri b’anow chajinem ri’ tajin ub’anik rech maj jun kub’an k’ax chi ke ri winaq e rech chi la’ ri’. Rumal ri’ kuya utzijol che ketajin che usolixik kiwujilal ri e’ajb’insal taq ch’ich’ xuquje’ ri kejach’ich’ rech uq’atuxik k’ax.
“Kab’an ri puqtzukunem k’a te’et rech uq’atuxik b’anow k’ax ri’ xuquje’ rech kakub’isax ub’anik ri chajinem chi ke ri winaqilal”, xcha’ ri reqa’lenel ri Comisaría 11, al Gabriela Cruz. Eri oficial rech Ajchajin Tinamit, a César Pivaral, sib’alaj xub’ij che ri puqtzukunem ri’ are tajin ub’anik rech kanimax kachajixik ri winaqilal e’aj iximulew ri’.
We chajin xya’taj utzijol che xchapataj a Denilzo “N”, 27 ujunab’, are kab’ixik reqam jun raqarik k’aqb’al q’aq’ ri maj uwujil. Eri jun achi ri’ xchapik are b’enaq chi rij jun kejach’ich’ aretaq xch’ob’otaj uwach pa jun k’olib’al ya’olchajinem pa jun k’olib’al chi la’ pa zona 4 rech uk’u’x nimatinamit. Pa k’isb’alil xk’am b’i pa q’atb’al tzij rech kachomax chi rij ri k’ax xub’ano.
Pa keb’ k’isb’al q’ij ri’, eri wokajil ajchajin tihnamit xkiya utzijol che e k’o 50 chi winaqil xechap ri’ jalajoj ri kimak xkib’ano, k’o oxib’ chi k’aqb’al q’aq’ maj uwujil xriqitajik, xuquje’ k’o 105 chi kejach’ich’ xuquje’ 87 chi b’insal ch’ich’ xeriqitaj pa rulewal amaq’ tinamit. Rumal ri’ k’o ri 110 rech ri PNC ya’talik rech chi la’ kakib’ij wi loq ri winaqilal rech chakiya loq ub’ixik wexa’ e k’o e itzelil winaq kakilo xuquje’ wexa’ k’o ri ilom pa aninaqil ri’.