Eri Ministerio rech Gobernación rumal xutaq ub’anik ri’, eri Departamento rech Tránsito rech ri K’amoj Ub’e ri Wokajil Ajchajil Tinamit (DT-PNC), xuterne’j ub’anik we q’ij kamik ruk’ upatanexik ri programa Motorista Responsable ri’, rech utaqim kapixb’axik ri e ajb’inisal e ajkejch’ich’ ri’ rech pa jikomal b’a’ kakib’inisaj ri ch’ich’ ri’ pa tinamit.
Pa le ya’olchajinem ri’ rajwaxik sib’alaj kaya ub’ixik chi k’o jun nim upatanib’al rech kakikoj ri to’b’al kijolom, kakeqaj juntir kiwujilal, kakinimaj utz ri ub’inisaxik kumal ri’, ri ya’el uchuq’ab’ ri kub’sib’al b’inisab’al ch’ich’ pa nimab’e xuquje’ rech uq’atexik ri riqon k’ax pa taq nimab’e pa we rulewal qatinamit.
Eri q’atb’al tzij rech k’utb’e xkib’ij, eri runimal ri na’ojalil ri’ are utaqim ub’anik uya’ik jun b’anoj no’jk’aslemal rech q’alan ib’ chi ke ri winaqilal e aj iximulew ri’ xuquje’ ruk’ wa’ are taqim uq’atexik ri riqon k’ax pa juntir qatinamit.
Utzijolil
E pa enero k’a pa julio rech 2022 ri’, pa ronojel ri’ k’o chik 19 322 chi tojb’al xkoj chi ke ri e ajb’inisal kejach’ich’ rumal k’i uwach ri kimak xkib’an ri’ k’o chi ke maj kiwujil keqam, maj kiwujil rech b’inisam ch’ich’ ri’ xuquje’ rumal man xkinimaj ta ri retab’al b’anoj nimanik rech k’utb’e ri’, ruk’ nik’aj chik kimak ri’.
Pa le Observatorio Nacional rech Seguridad de Tránsito (Onset) ri’, xub’ij che pa parque kitak’alib’al ri ch’ich’ pa we qatinamit are k’o pa 4 millones 741 mil 373 juntir pa ronojel ri’, are retal pa 45.02 rajilab’al pa unik’ajil pa juntir, junam ruk’ are kub’ij chi k’o 2 millones 134 mil 490 rajilab’al chi kejach’ich’.
Jeri’ eri utzijol ri’ are kuk’utu che eri ukab’ rumal e k’o xekam pa Iximulew ri’ are rumal xkiriq k’aq pa taq nimab’e, chi ke ri’ eri 45.47 pa unik’ajilal pa juntir, are kumal ri kejach’ich’.