Paq’ij 9 rech mayo, eri reqa’lenelab’ ri División rech Seguridad Turística (Disetur) rech ri Wokajil Ajchajil Tinamit (PNC) xkiya utzijob’elil chi kech ri 80 chi e ajtijoxel rech ri Escuela Oficial Rural Mixta Cantón San José ubicada pa San Andrés Villaseca, Retalhuleu ri’, chi rij taq b’anoj q’atenik ri k’ax bullying chi kech ri e ajtijoxel ri’.
Eri e ajchajil tinamit ri’ xkib’an retz’eb’exik k’utb’al tijonem chi kech ri ak’alab’ taq ala, taq ali rech kakich’ob’ ub’anik ri no’jk’aslemalil, rech kakiloq’aj uwach ri amaq’il qatinamit xuquje’ rech kakinimaj uwach ri e ajtijoxel rech taq rachoch tijob’al. Xuquje’, k’o jastaq chakub’al rech tzijolinik xkijach ri’ rech ub’ixik ucholaj q’atenik ri k’ax ri bullying pa rachoch tijob’al ri’.
Rumal ri’ eri tat nan xkib’ij che sib’alaj keki’kotik chewe rilik ri chajinem tajin kumal ri wokaj ajchajin tinamit, rech pa le ukojik ub’anik ri q’alanem q’atenik ri k’ax rech kek’oji pa jikomal joremal ri’ xuquje rech kakinimaj Tzij are chi’ keriqitaj pa le rachoch taq tijob’al rech pa rulewa’l qatinamit.
Tijonem rech reta’mab’alil wa’kateb’al
Are uwach ri cholchak ri’ xb’an k’i taq b’ano’nem chi saq chi kuwach ri taq ala, taq ali xuquje’ ri e q’apojil ri’ pa le Parque Arqueológico Takalik Abaj ri k’o pa El Asintal rech pa rulewal tinamit ri’, rech katijoxik ri e tijoxel chi rij ub’anikil ri no’jk’aslemalil xuquje’ chi rij ucholaj ri k’olib’al uxlanib’al ri’.
Eri q’atb’al Tzij xkib’ij che ri b’anoj tijonem ri’ are uwach ri Cholchak rech Q’alanem Q’atenik ri K’ax, Disetur 2023, rech kuwa’lijsaj uwach ri Policía rech Turismo rech kek’am kuwach ri ak’alab’ xuquje’ ri e q’apojil pa le cholchak taqanem taqkil ri’ pa utzilaj taq b’ano’nem xuquje’ ri k’olib’em pa joremal ri’.