Pa le retalil ri uwachwuj pa kaqiq’ ri’ https://l1nq.com/9lrkiu9 chi la’ k’ut kakitaq wi loq kiwujilal kuk’ ri q’atb’al tzij rech taq tz’apib’al ja ri kakaj ke’ok che chak ri’.
Eri winaqilal che ri kakaj kek’am pa le tijob’al ri’ pa le Curso rech Formación rech Guardia Penitenciario ri’ eri kiwujil are kakijacho ri’ pa le Escuela rech Estudios Penitenciarios rech ri Dirección General rech ri Sistema Penitenciarios (DGSP), k’o pa le kilómetro 19.5 nimab’e kab’e Pavón, pa le nimalaj rachoch tz’apib’al Fraijanes ri’.
Eri rajchak ri Subdirección rech Recursos Humanos rech ri Sistema Penitenciario (SP) kakik’am kiwujilal ri kak’am kek’amik pa taq le b’elejeb’ kajb’al rech saqarib’al pa waqlajuj kajb’al rech qajib’al q’ij (09:00 a 16:00 horas) rech lunes pa viernes ri’ k’a pa le 17 rech abril ri’.
Are k’o nim upatanib’al kaya ucholaj ub’ixik che we xk’am ri kiwujil ri winaq are retal che kakeye’ej na we kek’am pa chak ri’ pa le taqawokajil ri’. Chi jujunal taq ri kakaj kek’amik kakijacho ri kiwujilal ri’ kicholajisam pa jun wuj k’olib’al q’än rilik, ruk’ ri jun ch’ich’ uch’apb’al ri wuj ri’ kitz’ib’am kib’i’ chi uwach.
Eri DGSP sib’alaj che man k’ot pwaq kuta tane’ chi rij uk’amik ri wujilal pa taq ri ucha’ik ri’ ri ke’ok pa le retal tijonem rech Formación rech Guardia Penitenciario ri’. Xuquje’ sib’alaj kab’ixik chi ke ri e’okel ri’ e’are k’ut kakijacho ri kiwujilal kuk’ ri q’atb’al tzij kakik’am ri kiwuj pa le taqawokajil ri’.
Jachin kuta pwaq chi rij ri kiwuj kakijacho pa le b’anow ucha’ik ri’ maj tojom taj, jachin katoq’ij pwaq chi re rajawaxik b’a’ chakiya’o ub’ixik pa awalik pa le 1533 rech ch’aweb’al anticorrupción rech ri SP. Eri ub’ixik pa aninaqil are kilik kumal ri aje’tamanel ri’.