Eri chak rech uk’exik uwach xuquje’ rech usuk’umaxik ri tz’apib’al ja Centro rech Detención Renovación I, pa Escuintla, katajin uk’exik uwach rech kab’an pa le 100% le puqtzukunem pa tz’apib’al ja ri’. Eri k’exnem uwach ri’ are la’ kab’an pa nimaja rech q’atoj b’anow chak, pa taq le nimaja rech uxulanem, xuquje’ pa nik’aj chik nimaja che ri xkib’an wi k’ax chi re kumal ri winaqil e tz’apilik pa enero kanoq ri’.

Eri ministro rech Gobernación, Maro Antonio Villeda, xopanik xusolij pa le 12 rech marzo ri’ le tz’apib’al ja ri’. “Pa le xub’ij wi che kojtajin che usoxilik jas k’o ri tz’apib’al ja, rech kaqilo ri xkib’an wi k’ax ch’ojinik ri winaq e tz’apilik chi’ xuquje’ rech kaqilo le usuk’umaxik ri tz’apib’al ja ri’”, xcha’ le Ministro.

Eri ajtaqon ri Chajinem pa Amaq’ xub’an le rilik ri kichak ri e’ajchajinel rech ri Wokajil Tz’apib’al Ja (SP). Sib’alaj xub’ij wi chi k’o nim upatanib’al rech kaloq’axik ri kichak xuquje’ rech kakub’isax uya’ik kichakub’alil utz b’a’ kechajinik xuquje’ rech uya’ik uchuq’ab’ ri b’anow chajinem pa le tz’apib’al ja ri’.

Xuquje’, eri nim tat Villea xub’an jun ub’ixik chi ke ri e’ajchajinel pa tz’apib’a ja rech chakinimaj ri ub’anob’alil taq chi’, rech keyaq’ow ta chi kuwach kuk’ ri winaq e tz’apilik xuquje’ rech kanimaxik ri taqom ub’anik ri’ rech man k’ot chi k’ax kab’an pa jumul chik chi’ jacha ri xb’an pa enero kanoq.

Are chi’ xk’is ub’anik ri yakonem rachoch ri tz’apib’al winaq ri’, kab’an le uya’ik uchuq’ab’ ri chajinem chi’ ruk’ taq ri b’anoj chajib’al rech kakub’isax ub’anik taq ri kachajixik ri winaq e tz’apilik chi’, pa unimaxik uwach taq ri ya’tal chi ke ruk’ ri taqom ub’anik pawe taq q’ij ri’. Ruk’ ri b’anob’alil ri’ are taqim uq’atexik taq ri b’anow k’ax k’a pa le rachoch ri tz’apib’al winaq ri’.