Eri reqa’lenel ri Wokaj Ajchajinelab’ e Ajq’atenel taq Pandillas (Dipanda) rech ri Wokajil Ajchajil Tinamit (PNC) pa 24 rech julio ri’ xkib’an k’i taq tzukunem q’atenik rech kaq’atexik ri e ajtoq’il pwaq ri’ pa kitak’alib’al ri ch’ich’ ereb’al winaq xuquje’ pa le Mercado La Democracia, zona 3 rech Xe’laju’.
Eri tzukunik ri’ are la’ xb’an pa uq’ijol ri b’anoj kaq’atexik ri nik’aj e ajb’anol k’ax e ajtoq’il pwaq ri’, rumal ri’ eri e ajchajil tinamit xkijipij ukojik ri wujtzijolil xuquje’ k’o ri xkijach chi ke ri e ajk’ayinelab’, chi ke ri e ajb’inisal ch’ich’ ereb’al winaq, chi ke taxistas xuquje’ chi ke ri winaqil chi la’ k’ut.
Xuquje’ are uwach ri nimalaj ya’ltzijol pa wokajilal “Yo No Presto Mi Cuenta”, eri reqa’lenel ri PNC xeq’alan chi ke ri winaqilal rech makiya kib’i’ k’o pa ja k’olme’r pa qajik chi ke winaq chi ke kachalal, rumal qaraj are kakoj che toq’inik pwaq ri’.
Eri q’atb’al tzij xkiya ub’ixik chi ke ri winaqilal rech chakib’ij b’a’ pa le 110 rech ri PNC, pa le 1561 rech Crime Stoppers xuquje’ pa le 1574 rech antiextorsiones. Eri ya’ik ub’ixik ri’ are la’ rech kamajtaj utzukuxik kuwach ri’ rech kechap ri e ajb’anol ri k’ax ri’.