Eri e ajchajil tinamit kuk’ ri winaqilal ketajin che komon chomanik rech uq’atexik ri awan kunab’alil.
Are la’ tajin rumal ri Sección rech Capacitación Preventiva ri’, k’o pa reqele’n ri Subdirección General rech Solib’al K’otoj Q’alajisab’al Awan Kunab’al (SGAIA) ri’ rech ri Wokajil Ajchajil Tinamit (PNC), pa junab’ ri’ e pixab’am chik e 30 mil 295 chi winaqilal chi rij ri k’axk’onem kakiriq pa kik’aslemal ri winaqil we kakitijo ri awan kunab’alil.
Are chi’ xmajtaj loq ri nab’e q’ij rech enero k’a pa le 15 rech noviembre rech pa junab’ ri’, eri ajchajinelab’ e ajq’atenel awan kunab’al kib’anom chik k’i taq k’uttijonem pa rachoch taq tijob’al xuquje’ pa nima’q taq tijob’al rech pa amaq’il, rumal ri’ xetijoxik e 23 mil 445 chi e atijoxel chi rij taq ri k’axk’onem kuya ri awan kunab’al che ri kichak’ul. Xuquje’ xya utzijob’exik jas le kakib’ano wexa’ ketaqchi’j kumal e ajmolaj b’anol k’ax.
“Eri b’anon q’atenik ri’ are la’ kutaqij utzijoxik chi ke ri winaqilal chi rij taq ri k’ax kub’an che ri kich’akul we kakitjo ri awan kunab’alil”.
Xcha’ ri Ludvin López Hernández
Uk’amal Ub’e ri ECEC
Eri wokajil ajchajil tinamit xkib’an k’i retz’eb’exik b’anoj tijonik, k’o choletz’anem xkib’ano xuquje’ ruk’ etz’ab’anem pa le k’olib’al ya’ltzijol ri xkoj pa le nimatz’ij rech q’alanik pa rulewal tinamit. Pa le nimatzij xetz’eb’exik ub’ixik chi ke e 6 mil 850 chi winaqilal, kuk’ ri ak’alab’, e q’apojil, ab’om alitom xuquje’ ri’j taq winaq, rech utz ri jastaq kakitijo xuquje’ maj utijik awan kunab’al. Xuquje’ xkik’utu ri utz taq b’anonem, rech uk’amik ri eqele’n chak rech ri ya’olchajinem kab’an pa tinamit.
Ub’anbik Pixb’enik
Eri K’amal B’e rech ri Escuela Centroamericana rech Entrenamiento Canino (ECEC), Ludvin López Hernández ri’ sib’alaj xuya ub’ixik ucholajil chi k’o jun nim upatanib’al rech kepixb’aik ri winaqilal chi rij taq ri k’ax kuya’o kub’an chi ke jachin kutijo awan kunab’al. Sib’alaj xuya ub’ixik che taqim kesaxik ri ak’alab’ xuquje’ ri ab’om alitom pa le utijik taj ri awan kunab’al xuquje’ rech man ketaqchi’j taj kumal ri molaj b’anol k’ax.
Pa taq le b’anonem riqon ib’ chomanik kuk’ ri winaqilal, eri binomios K-9, are kuwach ri k’amal b’e kuk’ ri tz’i’ rech tzukunem chajin tinamit, xb’an rachib’al b’anoj tzukunem pa taq wokaj ja pa tinamit, pa puertos, aeropuertos, pa rachoch japache’ tz’apib’al xuquje’ pa kachoch winaq. Are wa’ kab’anik rech uk’utik che qas kena’w che utzkuxik uriqik awan kunab’al ri’, ruk’ pwaq, ruk’ k’aqb’al xuquje’ ruk’ ch’aweb’al.
Opanem chomanik kuk’ ri winaqilal
Eri reqa’lenel ri SGAIA, Jesmin Hernández ruk’ ri tz’i’ rachib’il ub’i’, Max, kib’anom k’i taq k’utub’al pa rachoch taq tijonem, pa taq nimatijob’al xuquje’ pa taq nim riqon ib’ rech q’alanik pawe junab’. Xuquje’ kub’an utzijob’exik ri kichakum chik uwach pa le q’ij ri’ ruk’ ri tz’i’ rachib’il, pa xkiya wi ub’ixik che junam kechakun k’ut.
E k’o chik 30 295 chi winaqilal e pixb’am chik chi rij q’atenik utijik awan kunab’al pa Iximulew.
Pa le b’anonem ri’, eri Hernández xub’ij are kak’utik ri chakunem reta’m chik ri K-9 ri’ “Qas xiya ub’ixik ucholaj che are kakikoj uxulab’il taq awan kunab’alil, are la’ kub’an chi ke ri tz’i’ rech kakich’ob’ usiqik are chi’ keb’e kakitzukuj ri ketz’ab’al rech te k’u ri’ kaya jun kach’ikoj kumal ri kachib’il k’amal b’e kech. Eri b’anob’al kub’sib’al chajine ri’ are la’ kub’an jun nim utzilem chi ke ri tz’i’ pa le ya’olchajinem pa tinamit”, xcha’.
Are wa’ ri chak b’anom taqom ub’anik rumal K’amal B’e rech Iximulew pa reqele’n ri Ministerio rech Gobernación (Mingob) tajin kuk’ut uwach ri’ pa le ukojik uxlanib’al rech k’olem pa joremal xuquje’ rech q’ateni ri k’ayin awan kunb’alil, rech ukub’isaxik ri tik’ib’am uwach taqanem ri ucholalejil pa tinamit xuquje’ rech ri ya’olchajinem pa ronojel rulewal ri tinamit.