Eri q’atb’al tzij rech ri Ministerio rech Gobernación xkib’an jun opanem solinik pa le tz’apib’al ja rech ri Nimatinamit rech Querétaro, México ri’ rech taqim le rilik ri utz taq chak b’anom ri’ rech katob’anik pa uya’ik uchuq’ab’ ri wokajil japache’ rech Iximulew.
Eri wokaj ajtaqoninel e’aj iximulew xe’opan pa le Comisión Estatal rech ri Sistema Penitenciario rech Querétaro, are jun chi ke ri wokajil tz’apib’al che ri qas nim upatan rech México pa le taqoninem ri’, are cholchak rech suk’umalib’alil winaqil ri’ xuquje’ rech le utzilaj chajinem ri’. Xuquje’ are kuya nim uq’ijol ri nimanem winaqilal, ri je’lb’anoj xuquje’ ri ajeqa’lenelem tijoninik, rech nim unimaxik taq ri ya’tal chi ke ri winaqilal ri’.
Eri wokaj e’ajtaqo’ninel k’amom kib’e rumal ri viceministro rech Seguridad, Roberto Solórzano ri’, rachi’l ri k’amal b’e rech ri Wokajil Tz’apib’al Winaqib’ pa Iximujlew, a Jorge López, xuquje’ ri k’amal b’e rech ri Unidad rech ri K’ak’ Taqanem pa Wokajil Tz’apib’al ri’, Juan Carlos Corzo ri’.
Pa le kopanik chi la’, eri q’atb’al tzij e’aj iximulew ri’ xek’ul apan rumal le gobernador rech Querpetaro, a Mauricio Kuri González ri’, kuk’ ri patanelab’ rech ri wokajil tz’apib’al winaq rech ri nimatinamit k’o apanoq.
Pa taq le riqonem ib’ xkiwa’katej rilik le b’anoj taqanem pa le wokajil tz’apib’al ja ri’. Pa le b’anob’alil ri’ xb’an wi utzijoxik ri chak b’anom pa le taqawokajil chi la’, ri chajinem pa tz’apib’al chi la’ xuquje’ ri cholchak rech kasuk’umaxik ri winaqilal chi la’.
Eri ub’anob’alil ri tz’apib’al ja rech Querétaro are nim uq’ijol ilom chi rijt aq ri k’ilaj cholchak ub’anom ri’ pa le kasuk’umaxik ri winaqilal e tz’apim chi la’, chi rij unimaxik taq ri ya’tal chi ke ri’. Eri tajin kab’an chi la’ k’ut are ri riqonem ib’ pa wokaj winaqilal, ri choletz’anem, ri je’lb’anob’alil xuquje ri ajeqa’lenem tijonik rech utaqim pa utz kasuk’umaxik ri wokaj winaqilal ri’.
Eri q’atb’al tzij kakib’ij, eri b’anow ch’ob’ow ri’, eri usoliwachib’al ri chak b’anom are la’ uwach ri tijowchuq’ab’ chak kumal ri taqawokaj ri’ che ri utaqom ub’anik rumal ri Ministerio rech Gobernación rech ri Iximulew rech uya’ik uchuq’ab’ ri b’anoj k’ak’ taqanik pa tz’apib’al ja ri’, ri taqom ub’anik rumal ri ministro Marco Antonio Villeda.
Eri b’anow k’ak’ ruk’ ajeqa’lenem ri’ are rech ub’anik ri k’ak’ taqanem pa wokajil tz’apib’al winaq pa le amaq’ tinamit, rech ub’anik ri utz taq b’anob’alib’alil ri’ ri amaqib’ ri’ rech are katob’anik rech ub’anik ri utz chajinem, ri utz q’atoj chakunem pa taq ri tz’apib’al ja xuquje’ rech pa kasuk’umaxik ri winaqilal e tz’apilik ri’.