Paq’ij kamik 6 rech febrero ri’ xmajtaj ri Uwuq, Uwaqxaq xuquje’ ri Ulaj Tijob’enik chif ke Oficial Tercero rech Policía, pa le Nimatijob’al rech ri Wokajil Ajchajil Tinamit (PNC), pa Extensión Regional rech Occidente, pa Chinab’jul ri’. Are wa’ xb’antaj jacha ri k’o pa le cholb’al ub’anik ri’ pa le Escuela rech Formación rech Oficiales rech Policía (EFOP), rech ri Subdirección General rech Estudios xuquje’ Doctrina (SGED),rech ri PNC ri’.
Rumal ri’ eri Taqawokajnel rech ri Ya’olchajinem pa Amaq’ xub’ij are kanimaxik ri xutaq ub’anik loq ri K’amal b’e Amaq’ rech ri Amaq’il, xmajtaj ub’anik pa amaq’el ri Nimatijonem kech Oficial Tercero rech Chajin Tinamit. Rumal ri b’anoj tijonem ri’ are kanajtib’ oxib’ junab’, rech kuya jun nim upatanib’al uwach ri Nimatijob’enik rech pa le Transformación Policial ri’, ri tajin upatanexik rumal ri K’amal b’e Amaq’ Iximulew pa le uchakunik ri Ministerio rech Gobernación (Mingob), xcha’ ri nimpatanel ri’.
En k’u ri’ K’amal b’e rech ri PNC, xub’ij che we jun b’anoj chakunem rech katijob’exik ri Oficiales Terceros rech Chajin Tinamit, kuya uchuq’ab’il ri b’anoj ya’olchajinem tzukunik che ri b’anom chik pa le q’atenik ri b’anoj taq k’ax ri’ xuquje’ rech pa le utz kanimaxik ri winaqilal ri’. Are wa’ ri nab’e ri’ kab’an pa le utzijil ri wokajil chajin tinamit, ri kamajtaj ub’anik rech katijoxik ri oficiales kuk’ ri winaqilal tinamit ri’, xcha’.
B’anoj nimatijob’enik ri’
Pa konojel ri’, e k’o 382 chi eqa’lenelab’ kakik’am uchuq’ab’ reta’mab’al kichak kakib’an rech b’anob’al tzukunem, rech puqchajinem, rech q’atenik ri k’ax, rech k’amoj ib’ chomanem kuk’ ri winaqilal, rech reta’mab’alil chakuhem xuquje’ rech chajinem winaqil, rech kakik’am jun keqele’n ri’ rech ke’ok che Oficiales Terceros rech Chajinem pa Tinamit.
Pa le katijoxik ri e ajtijoxel ri’ kya kewar wi, ketzuq wi xuquje’ k’o ri ketijox chi rij b’anowem utzwachil ri’, rech meq’san ch’akul xuquje’ tzijolinem chajin tinamit. Are wa’ kuya uchuq’ab’alil ri chajinem kumal taq ri comisarías xuquje’ kumal ri chakuja rech ri wokja chajin tinamit, rech pa le uchajixik ri winaqil pa kik’aslemal ri’.
Ri wokaj na’winelab’ chajinik
Eri uwach taq b’anoj uwi tijonem chi ke reqa’lenelab’ ri wokaj ajchajil tinamit, e k’o ri’ e 137 chi eqa’lenelab’ xe’al b’i pa le Trigésima Promoción rech Fuerzas Especiales rech Policía (FEP ri’. Xuquje’ ri Uwuq Puqtijoxel rech ri Grupo rech Acción Rápida (GAR), e wokotal uwach kumal e 29 chi eqa’lenel chajin tinamit.
Rumal k’u ri’ eri Ministro rech Gobernación xub’an nima’q taq ki’kotirsanik chi ke ri 166 chi eqa’lenelab’ ri xkik’iso uwi tijonem chi ke ri wokaj na’winel reqa’lenelab’ ri División de Fuerzas Especiales de Policía (Difep) ri’. Xuquje’ xutoq’ij ub’ixik chi ke rech utz b’a’ ub’anik ri chakunem kumal, ruk’ nimab’alil xuquje’ ruk’ niman Tzij ri’ pa le b’anoj utz chajinem chi ke ri winaqilal pa konojel ri’.
Pa k’isb’alil, eri q’atb’al Tzij rech gobernación ri’ kuk’ ri taqanelab’ rech ri wokajil ajchajil tinamit, xkikoj k’ut k’i taq retalil xuquje’ xkikoj k’ak’ boinas chi ke ri e k’ak’ taq reqa’lenel ri fuerzas especiales ri’, ri k’o oxib’ ik’ xetijoxik chi rij taq ri nimab’alil uwach ri ya’talil winaqil, ri taqonatzij, ri puqchajinem xuquje’ ri chajinem winaqil tinamit ri’.