Eri kojob’al rech ri Tob’chakub’al rech Control Telemático (DCT) pa le q’atoj tzij rech Iximulew are jun chik tojb’al mak ri’ rech chi ke ri ketaq pache’. Wa’ jun retal b’anoj chi rech jun winaq che ri taqom uchapik rumal ri jun q’atol tzij ri Organismo Judicial (OJ) are kakoj chi rech kab’e ta pache’ ri’.
K’a pa le Unidad rech Control Telemático rech ri Ministerio rech Gobernación (Mingob) are qas ajilol rech ri ilonb’al chakunem chi rij ri tob’chakub’al kakoj wiri’. Eri nik’aj tob’chakub’al ri’ are la’ kuya che ri e ajilol rech ri uchajixik pane’ naj kariqitaj wiri’ ri winaq eqam rech ri’.
Xuquje’ kutaq retalil pa le centro rech monitoreo are chi’ ri winaq reqam kub’an tane’ k’ax chi re ri tob’chakub’al, we man kuya ta b’ixik ri’ xuquje’ we man kunimaj taj xaq ta kawa’katik pa taq juyub’ tinamit ri’.
Eri tob’chakub’al ri’ are jun nim retal ri b’anoj k’ak’ taqanem tajin pa le q’atoj tzij aj iximulew ri’, rumal are la’ katob’anik pa le ya’ik uchuq’ab’ ri b’anob’alil chajinem solinik chech ri jun winaq che ri k’o pa q’atoj tzij pa qatinamit ri’.