Eri Ministerio rech Gobernación tajin che utzib’axik kib’i’ pa ub’anikil biométrico ri kitzijol ri e’ajpache’ keriqitaj pa le Centro Preventivo kech Achijab’ rech ri zona 18, rumal k’ut are rech ya’ik uchuq’b’ ri chajinem pa wokajil japache’ rech amaq’ tinamit. Eri jun b’anob’alil ri’ are la’ uwach ri ub’anikil chajinem tzukunik xmajtaj ub’anik pa le tzukunem xb’an pa le Granja Penal rech Rehabilitación Cantel, pa Xe’laju’, pa le rachoch japache’ tz’apib’al ri’ man k’ot tzukunik b’anom ri’ k’a pa waqib’ junab’ chik ok’owinaq.
Rumal ri’ eri q’atb’al tzij xkitzuj, eri katz’ib’axik ri’ are pa taq ri k’ak’ kemechakub’al rech ilonik kitzijol ub’i’ biométrico MI3, eri k’ak’ chakub’al rech kemeta’mab’al ri’ are qas kub’an kajilaxik ri’ xuquje’ are qas kub’an k’u’x pa le kajilaxik ri winaq e tz’apil ri’, rech maj jun chi ke kuwaj taq ib’ rech kukoj tane’ jun rachib’al winaq utzijol. Rech pa le ub’ank ri chakunem ri’ are ri’ ruk’ utob’anik uchak ri Subdirección rech Informática rech ri Sistema Penitenciario ri’.
Pa junamamil ri’, pa kawokajil ri ajchajin tinamit sib’alaj xkib’an ri tzukunem pa taq ri sectores 11 A, 11 B xuquje’ pa le 11 C rech riPreventivo ri’. Eri puqchajinem tzukunik ri’ are le uro’ ub’anonik tzukunem xb’an pa le jalajoj uwach taq ri wokajil japache’ tz’apib’al k’a ri’ le xb’antaj wi kowonem tzukux upam le japache’ tz’apib’al rech Q’antel, jeri’ le katajin ub’anik rumal ri le Ministerio rech Gobernación rech xb’antaj kowonem kab’an ri nimachajinem pa le wokajil japache’ tz’apíb’al.