Are taqim ya’ik uchuq’ab’ ri utzijob’exik rech b’iw b’ixik loq kumal ri e ajtijoxel rech taq tijob’al, eri reqa’lenel ri Subdirección General rech Q’ateb’al ri K’ax rech ri Wokajil Ajchajil Tinamit (PNC), pawe q’ij kamik xkib’an ri “Jun Q’ij kink’oji kuk’ ri e Wachi’l rech Tijonem”. Eri b’anonem ri’ are la’ xb’an pa le 28 rech septiembre ri’, pa le Instituto Mixto Rafael Aqueche, zona 1 rech nimatinamit.
Eri riqb’al ri’ are xk’am ub’e rumal ri Néstor Diéguez, Subdirector General rech Q’ateb’al ri K’ax, are xuya le tzij utz kopanik ri e ajtijoxeo pa le chakuja rech ri tecnología. Xuquje’ chi rij ri uk’amsaxik ub’ixik ri b’iw b’ixik utzijol ri b’anoj k’ax kab’an ri’, chi saq xuquje’ chi upam taq rachoch ri tijob’al.
“Are chi’ xe’ok ri winaqilal ri’ pa le kichak ri ajchajil tinamit, are taqim ri’ rech kawok kub’al k’u’x k’olib’em ri’ rech katoq’ixik ri q’atenik ri e ajb’anol k’ax ri’”, xcha’ ri Diéguez.
Pa le riqb’alil kuk’ ri e ajtijoxel xe’opan ri q’atb’al tzij rech ri Chakuja rech ri Prevención Comunitaria rech ri k’ax ri’ (UPCV) rech ri Ministerio rech Gobernación (Mingob) ri’.
Pa le riqonem ri’ are xtzijob’ex uwach ucholajil ri Escuelas Seguras, rech ub’anik jun nim utzilem chi ke ri e k’i e ajtijoxel ruk’ taq ri etz’anem xuquje’ ri tijonik pa rulewal tinamit.
Rech uq’atexik kekanaj e yowab’ ri alitom
Pa le 20 rech septiembre ri’, xmajtaj upatanexik ri cholchak ub’i’ “Jun Q’ij Kink’oji Kuk’ ri Wachi’l e ajtijoxel”, pa le Instituto Nacional rech Educación Básica xuquje’ rech Cultura General, María Luisa Samayoa Lanuza, zona 1 rech nimatinamit Iximulew.
Pawe q’ij ri’ sib’alkaj xya utzijoxik ri b’anoj q’atenik chi ke ri alitomab’ rech kekanaj ta e yowab’ rumal ak’al kaya chi kij xuquje’ rech keq’atexik ri ab’om alitom rech ke’ok taq kuk’ ri pandilleros xuquje’ kuk’ nik’aj chik molaj e b’anol k’ax pa tinamit pa uwachulew.
Eri Subdirector General xub’ij che ri b’anoj tijonik ri’ are la’ kab’an pa le nik’aj chik q’ij pa taq ri rachoch taq tijob’al rech ri zonas 1, 2 xuquje’ 6 ri’.