Eri K’amal B’e Amaq’ Bernardo Arévalo, xuya ub’ixik che pa taq ri q’ij ri’ k’o jun nim riqon ib’ kab’an kumal ri wokajil rech Iximulew xuquje’ ri México, rech ya’ik uchuq’ab’ ri seguridad fronteriza xuquje’ ri nim kaq’atexik ri molaj b’anol k’ax pa taq ri nimatinamt ri’. are la’ xya utzijol pa le nim tzijolinem xb’anik ub’i’ La Ronda GT ri’.
Le K’amal B’e Amaq’ xub’ij eri Consejo Nacional rech Seguridad (CNS) xuta utzijol pa uwachwuj ri k’ax xk’ulmataj pa k’ulb’a’t juyub’ chi kuxo’l taq ri nimatinamit. Rumal wa’, sib’alaj xub’ij chi k’o nim upatan ri komonchak kab’an kumal ri e’ajchajin tinamit kuk’ ri e’ajchajin amaq’ rech ketob’anik pa taq kik’olib’alil winaqilal chi la’ xuquje’ rech kechajin pa le k’ulb’a’t juyub’ ri’.
Rumal k’u ri’, le Ministro rech Gobernación, Francisco Jiménez, xub’ij che xjach k’ut ri ub’ixik pa oxib’ q’ij rumal ri Inspectoría General (IG) rech ri Wokajil Ajchajin Tinamit (PNC), chi rij ri xk’ulmataj pa le aldea La Mesilla, ubicadas en La Democracia, Chinab’jul. Xuquje’ sib’alaj xub’ij chewe kimik e’are ri ajtzukunel ri’ kakiq’alajisaj wa’ uwach jacha ri kub’ij ri taqanik tzij.
Le Ajtaqon Chajinem pa Amaq’ xuya ub’ixik che are wa’ uwach ri b’anoj chomanem tajin ub’anik rech ya’ik ri chajinem winaqilal, rech katerne’xik ub’anik taq ri puqtzukunem rech ukq’atexik taq awam etz’anem tijowchuq’ab’ opanriqonem, ri tzukunem pa taq bares, discotecas xuquje’ centros nocturnos, rech uq’atexik taq b’anoj k’ax.
Pa k’isb’al, le Ministro Jiménez sib’alaj xub’ij eri b’anoj tzukunem pa rachoch japache’ tz’apib’al kab’an na ri’ rech keq’atexik ri b’anoj taq k’ax kumal taq pandillas. Jeri’ xub’ij che kab’an ri suk’ub’anem rech kak’ex uwach nik’aj chik rachoch japache’ rech kak’oji ri ucholalejil, rech uq’atexik taq b’anoj k’ax pa rachoch japache’.