Pa le Salón Mayor rech ri Taqawokaj Ya’olchajinem pa Amaq’, k’o pa zona 1 rech pa uk’u’x nimatinamit, paq’ij 24 rech abril, xmajtaj ub’anik ri Seminario Prevención rech ri Violencia pa Contextos Escolares ri’. Eri b’anoj chomanem rumal ri Ministro rech Gobernación ruk’ ri Ministra rech Educación, ri Tercer Viceministro rech Prevención ri K’ax xuquje’ e Ajb’anol k’ax ri’ xuquje’ ri Viceministra rech Educación Extraescolar xuquje’ Alternativa ri’.
Rumal ri’ eri Taqawokajnel rech ri Ya’olchajinem pa Amaq’il xub’ij che we jun cholchak ri’ are utaqim kakojik ri q’’apojilal pa taq jalajoj chak rech q’atenik ri k’ax. “We jun seminario ri’ are xub’ij eri wokaj rajchak ri K’amal B’e Amaq’ Iximulew, kuya pa uq’ab’ ri K’amal B’e Iximulew ri’, ri juntir uchuq’ab’ uchak rech kub’an utzilem chi ke ri winaqilal e aj iximulew”. Xcha’.
Pa le junab’ rech tijonem 2023, panik’aj kajilab’al ri xk’is katijoxik ketatjin pa taq b’anonem rech q’atenik ri k’ax ri’ pa le q’ij xnajtib’ ri seminario. Eri ajtijoxel kakichakuj uwach qaraj 8 mil 500 chi cholchak kuk’ winaqilal pa ronojel rulewal qatinamit, rumal ri’ kenusik’iij konojel ri wokajilal chakunem rech we kakaj ke’ok pa le cholchak rech q’atenik ri k’ax pa taq rachoch ri tijonem”, xcha’ ri Ministro rech Gobernación.
Rumal ri’ eri Taqawokajnel rech Wokaj Tijonem xub’ij che ri komonchak pa taqawokajilal ri’ are kuya uchuq’ab’ ri katijoxik ri ajtijoxel xuquje’ ri ajtijonelab’ chi rij uwachtzijonem rech q’atenik ri k’ax pa taq rachoch ri tijonem rech pa rulewal qatinamit. “K’o nim upatanib’al ri chak tajin rumal ri ri Ministerio rech Gobernación (Mingob) pa reqele’n uchak ri Tercer Viceministerio rech Q’atenem ri K’ax xuquje’ e Ajb’anol k’ax ri’ chi kech ri e ajtijoxel”, xcha’.
Ri uwachwuj pa kaqiq’b’al
Eri Tercer Viceministro rech Gobernación xub’ij che are uwach ri cholchak ri kakoj pa le Plataforma digital PREVI ESCOLAR ri’, we tob’chakub’al ri’ are kutzijoj ri uwachtzijonem rech q’atenik ri k’ax ri’, ri taqonatzij, ri chomab’al tinamit, ri chokonsab’al rech tijonik xuquje’ ri ya’ltzijol rech q’alanem q’atenik k’ax ri’.
Xuquje’ tajin uchakuxik ri kojob’al uwachwuj pa kaqiq’ ri’ rech kakik’ol ri winaqil pa kich’aweb’al ri’ pa le q’atenik ri k’ax pa taq rachoch tijonem. Xuquje’ tojom taj rech katijox pa uwachwuj pa kaqiq’ chi kech ri ajtijonel xuquje’ e ajtijoxel ri’, xcha’ ri nimpatanel.