Tajin ya’ik uchuq’ab’ ri ya’olchajinem winaqil kumal ri ajchajin tinamit

Eri Viceministra rech Seguridad, Claudia Palencia, xel b’i che ub’anik k’i taq solinem tzukunik pa taq ri comisarías ri’ rech ri Wokajil Ajchajin Tinamit (PNC) pa k’isb’al wuqq’ij kanoq. Rech xtaqij usolixik ri chak tajin kumal ri ajchajil tinamit xuquje’ rech ya’ik uchuq’ab’ ri chajinem pa tinamit.

Ri are xumaj ri solinem pa rachoch k’olib’al ri Comisaría 13 rech ri PNC, k’o pa zona 5 rech pa runimal tinamit, chi la’ k’ut xopan wi che usolixik ri kichak ri ajchajil tinamit, jeri’ xurilo we utz ri kichakub’al ruk’ ri kik’olib’al pa le comisaría ri’.

Te k’u ri’ xopan pa le Comisaría 16 pa Mixco, chi la’ k’ut xuterenb’ej wi rilik ri chakub’alil xuquje’ ri k’olib’al chajinem we utz ri’. xuquje’ xub’an rilik jas upatan tajin ri rachoch tijob’al kiwa ri ajchajinel ri’. Are taqim rech pa kub’al k’u’x k’o ri chakub’al xuquje’ ri kek’oji wi ri rajwaxik chi ke ri ajchajinelab’ rech utz b’a ub’anik ri kichak kakib’ano.

Pa k’isb’al ri’, eri Viceministra Palencia xub’an jun solinem pa le rachoch ri k’a te xyakik ri Grupo Especial rech Q’ateb’al taq Extorsiones (GECE) rech ri PNC, rech are kuq’atij ri b’anoj taq toq’inik pwaq pa tinamit. Ruk’ wa’ ri solinik ri’ are jun k’utub’al rech ri chak tajin kub’an ri K’amal B’e Iximulew pa reqele’n ri Ministerio rech Gobernación (Mingob) pa ya’ik uchuq’ab’ ri chak kumal ri ajchajil tinamit pa b’anoj utzil ya’olchajinem winaqila pa tinamit. 

Ultimas noticias

Alerta de Corrupción